Proverbs 16:6 - De Beebaa Dabu

⁶ Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

Proverbs 16:6 Referans Kwoze

Proverbs 14:16

Tangada heiangi e madagu i Tagi Maolunga, ma de kino i de baubau, aagai tangada lodo senga e lodo maolunga ma de vaivai hai hegau.

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Proverbs 14:27

De madagu i Tagi Maolunga go de vai o de mouli, gai e hagaui gee tangada mai i de magau.

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

Proverbs 20:28

De abodonu ma de hai hegau i de mee abodonu e buibui de hodooligi, gai dono nohoanga hodooligi e duu ga makaga i dono hai hegau i de mee heohi.

Acts 15:9

Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai.

Nehemiah 5:15

Denga goobenaa i ogu mua ne hai ga hai ngadaa dangada, i delaadeu kave gai ma uvaini mai i olaadeu daha, madali e madahaa shekel selevaa, gai olaadeu dangada hai hegau ne vaivai hai hogi dangada. Aagai au tee hai hegau bei gilaadeu, i hiidinga au e madagu i de Maadua.

Nehemiah 5:9

Gai au ne hai ange, “Oodou hegau gu hai naa e dee heohi donu! E aha, e dee danuaa ange laa doodou maatagu i taadeu Maadua, gi dee dookaa ai gidaadeu i denga huaahenua o odaadeu hagadaumee?

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Ephesians 5:21

Goodou hagadau hagadubu i oodou magavaa i doodou maatagu i Klisdo.

John 15:2

Laa alodahi e deai olaadeu hua, gai ia e duuduu ga tili, aagai laa alodahi iai hua, gai ia e velevele gi kii ange ai de hhua lagolago.

Psalm 85:10

De aloha ma de hai hegau i de muna abodonu gu hedae ange; gai de heohi ma de baba gu hagadau oso.

Genesis 20:11

Gai Abraham ga hai ange, “Go hiidinga au ne maanadu i ogu lodo, ‘Dangada i de mommee nei e dee maatagu donu i de Maadua, gilaadeu e daa naa au ga magau, i hiidinga o dogu bodu.’

Exodus 1:17

Gai luu haahine hagahaanau laa ne maatagu i de Maadua. Deelaa ai, gilaau tee daudali i muna a de hodooligi, aagai ne hagaola hogi denga gauligi daane.

Exodus 20:20

Gai Moses ga hai ange gi dangada, “Goodou aude maatagu, go hiidinga de Maadua gu humai e hagatale goodou e tilo ai dagodo o oodou lodo, gai gi dagodo ai de madagu o de Maadua i oodou lodo, gi dee haisala ai goodou.”

Proverbs 3:7

Aude hagadaba bolo koe e heiangi, gai koe gi madagu i Tagi Maolunga, ma de kino i de baubau.

Proverbs 16:5

Tagi Maolunga e kino i dangada hagamaolunga alodahi. Ni muna abodonu, de gau bee nei e dee haihai naa donu ga dee hagaduasala.

Leviticus 25:17

Gai goodou e dee hagadau vaivai daakodo i oodou magavaa, aagai goodou gi maatagu i de Maadua. Go au go Iahweh doodou Maadua.

Deuteronomy 30:13

E dee daakodo hogi i dahi henua mmao, gi dee hagataba ai goodou, “Goai e hano gi de henua laa e gaamai ai mee nei e tala mai gi gimaadeu, gai gimaadeu ga daudali ai?”

Proverbs 3:3

De abodonu ma de hai hegau i de mee abodonu e dee hulo gee naa donu i oo daha, gai daulia luu mee nei i doo ua, ma de sisi i oo lodo.

Proverbs 14:2

Tangada e hai hegau laa i de mee abodonu e madagu i Tagi Maolunga, aagai tangada e hai hegau laa i de hagasenga e hagangadi mee ia.

Daniel 4:24

De hodooligi, deenei de hagadoonunga. De mee nei se hagailoo nii de Ia Maolunga Mmao laa ne gaamai gi de goe, dogu dangada aamua go de hodooligi.