Proverbs 16:30 - De Beebaa Dabu

³⁰ Tangada e hagadabadaba ina laa luoono mada e maanadu de hai de baubau; gai tangada e hagalloa ina laa luoono malaungudu e noho e hai de baubau.

Proverbs 16:30 Referans Kwoze

John 3:20

Be goai e haia de baubau e kino donu i de maalama, gai ia e dee lodo e humai gi de maalama, kana ssula mai ana hegau baubau.

Matthew 13:15

Go hiidinga de huaadangada nei e makaga olaadeu lodo, gai olaadeu dalinga gu longoduli, gai gu pono olaadeu ganomada; kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Proverbs 16:27

Tangada e deai ono haigamaiana e hagatau de hai de baubau, gai ana muna e bei de ahi e duungia laa mee alodahi.

Proverbs 10:10

Tangada e hagadabadaba laa luoono ganomada e hagadaemaha de lodo, gai tangada lodo senga e vava laa de ngudu e dee sula donu.

Proverbs 16:29

Tangada alasala e hagatale tangada e baa ange gi de ia, ma de dagi ia i dahi haiava dee danuaa.

Proverbs 16:31

De biho sinasinaa e bei de hau mahamaha; de mee nei e maua i daho tangada e heohi.