Proverbs 16:27 - De Beebaa Dabu

²⁷ Tangada e deai ono haigamaiana e hagatau de hai de baubau, gai ana muna e bei de ahi e duungia laa mee alodahi.

Proverbs 16:27 Referans Kwoze

James 3:6

De alelo e bei de ahi ula. Gai se mommee iai de baubau gu dugu madali mee i odaadeu angaanga, gai e hai ga hakino gee de angaanga alodahi, gai e haula ai mee alodahi, mai i de ahi o Gehenna.

Proverbs 6:14

ia e hagasaele denga hagatau baubau i ono lodo, ma de hagadee heloongoi magavaa o dangada i masavaa alodahi.

Isaiah 5:18

E vakaa naa dangada e daangia saele baubau i daula o de mee dee heohi, ma de dada saele haisala bei daula o de hada,

Proverbs 6:12

Tangada e deai ono haigamaiana, se dangada baubau, e hagadaga saele ma e tala denga muna hhadu;

Psalm 57:4

Au e noho i magavaa o denga laiono; au e dagodo i magavaa o denga manu alasala: go dangada e hanu olaadeu niho e bei denga dao nnui aama dao o de mee hholu, olaadeu alelo e kangi bei denga gadilaasa.

1 Samuel 25:17

Deenei ai, koe gi iloo mee nei ma de hagasaele be se aha aau e hai; go hiidinga dahi hai ngadaa gu dai hai ange donu gi taadeu dangada aamua, ma dangada alodahi i dono hale. Ia se daane baubau mmao, gai e deai donu se dangada e maua i de tala ange dahi mee gi de ia.”

Proverbs 2:4

noo koe e ssala de heiangi bei dau ssala gi maua denga selevaa ma goloa hagamogomogo e gide ngadaa laa,

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

Habakkuk 2:13

Tilo, e aha, tee hagatau ina e Tagi o denga hagabuulinga hebagi bolo hegau a dangada ni mee donu huu e dudu i de ahi, gai denga huaahenua gi hagadaalea ange gi hanu ngadi mee?

Proverbs 16:26

De lodo o tangada e gaimee e hai ia gi hai hegau, gai dono saalohia e hagammahi ange ia gi hai hegau.

Proverbs 16:28

Tangada hadu muna e hai ga dee heloongoi dangada, gai tangada hai samu e hagabaubau magavaa o denga hai soa.

Proverbs 16:30

Tangada e hagadabadaba ina laa luoono mada e maanadu de hai de baubau; gai tangada e hagalloa ina laa luoono malaungudu e noho e hai de baubau.

Proverbs 19:28

Tangada tala hagadonu hadu muna e hagangadi mee de hagamodu heohi, gai de ngudu o tangada baubau e holo de baubau.