Proverbs 16:22 - De Beebaa Dabu

²² De heiangi go de vai o de mouli ange gi gilaadeu gu gaavee, aagai de lodo senga e hagaduasala gilaadeu e lodo ssenga.

Proverbs 16:22 Referans Kwoze

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Proverbs 13:14

Agoago a tangada heiangi e bei de vai o de mouli, e hagaui gee ina laa tangada mai i de magau.

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

Proverbs 10:11

De ngudu o tangada heohi e bei de vai hagamouli, aagai muna a tangada baubau e hagammuni dono alasala.

John 6:68

Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

Proverbs 18:4

Muna a tangada e tala e bei de vai gelo, aagai tagelo o de heiangi e bei ssaalingaa vai e sali laa.

Proverbs 15:28

Tangada heohi e maanadu i mua dono basa, aagai tangada baubau e tala donu huu muna baubau.

Proverbs 15:2

Muna a tangada heiangi iai de iloo mee, aagai muna a tangada lodo senga e hagaago mai dono senga.

Proverbs 14:27

De madagu i Tagi Maolunga go de vai o de mouli, gai e hagaui gee tangada mai i de magau.

Proverbs 3:22

luu mee nei e gaavadu naa gi de goe de mouli, gai e bei de mee dau e hagamahamaha ai laa doo ua.

Proverbs 16:21

Tangada heiangi e hagabinga bolo se dangada e donu ange, gai muna maamaane e hai ga hai ngaohie de agoago ange dangada.

Proverbs 16:23

Lodo o tangada heiangi e dagi ana muna e tala, gai ana muna e maua i de usuusu ange dangada.

Proverbs 18:7

Muna a tangada lodo senga e hagabaubau donu huu ia, gai ana muna e nnoa donu huu ia.