Proverbs 16:21 - De Beebaa Dabu

²¹ Tangada heiangi e hagabinga bolo se dangada e donu ange, gai muna maamaane e hai ga hai ngaohie de agoago ange dangada.

Proverbs 16:21 Referans Kwoze

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Proverbs 15:7

Muna a tangada heiangi e hagalagolago de iloo mee; gai e dee aanei dagodo lodo o de gau llodo ssenga.

Proverbs 27:9

Lolo ma vai hagamanongi e hagamalangilangi tangada, gai de manongi o ssoa o tangada go ana muna bale danuaa.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

John 7:46

Gai de gau hagaloosi ga hai ange, “Tigi ai donu se dangada ne agoago bei dagodo o taane laa.”

Luke 4:22

Gai dangada alodahi ga tala tuhi ono longo, gai gilaadeu gu llele mouli i muna o de abodonu aana e tala. Gai gilaadeu ga ssili ga hagataba, “E dee go tama daane a Joseph deenei?”

Ecclesiastes 12:10

Tangada Agoago ne ssala gi gidee denga muna e danuaa ma de heohi, gai ana mee ne sisi ni muna abodonu gai e heohi.

Proverbs 23:15

Dagu dama, noo koe e heiangi oo lodo, gai au e lodo danuaa donu;

Proverbs 10:8

Tangada heiangi e daohi denga hainga, aagai tangada lodo senga vava de ngudu e dee hagadagadaga age donu.

Psalm 45:2

Koe e mahamaha ange i denga daane; au muna e tala iai de abodonu, deelaa ai, de Maadua gu hagamanuuia goe ga hano ai.

1 Kings 3:12

Deenei ai, au e hai donu gi bei dau dangidangi. Tilo, au e gaavadu naa gi de goe de heiangi ma de donu ange gi mee. Gai e tigi ai ange donu se dangada ne bei oo dagodo mai madagidagi, aabe se dangada e bei oo dagodo i muli mai.

Romans 16:19

Go hiidinga dangada alodahi gu iloo dagodo o doodou hagallongo i muna, deenei ai, au gu malangilangi mmao i oodou hiidinga, gai au e lodo goodou gi heiangi i de mee danuaa gai gi dee heiangi i de baubau.

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Proverbs 16:22

De heiangi go de vai o de mouli ange gi gilaadeu gu gaavee, aagai de lodo senga e hagaduasala gilaadeu e lodo ssenga.

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Proverbs 10:13

De heiangi e sula mai i lodo muna a tangada e donu ange, aagai de laagau se mee e hagaili ai tua o tangada dee donu.

Proverbs 10:23

Tangada lodo senga e hakadanga i dahulinga baubau, aagai de heiangi se mee hagamalangilangi ange gi tangada e dahi ono donu ange.