Proverbs 16:20 - De Beebaa Dabu

²⁰ Tangada e daohia laa mee oona gu agoago ai e hagadagadaga age donu, gai tangada e hagadonusia Tagi Maolunga e manuuia.

Proverbs 16:20 Referans Kwoze

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 34:8

Mami ange mage diiloo bolo Tagi Maolunga e danuaa; e manuuia tangada e buibui i ono daha!

Proverbs 19:8

Tangada e haia gi heiangi ia, e hagamogomogo dono mouli; tangada e haia gi donu ange ia, e hagadagadaga age.

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Daniel 6:23

Gai de hodooligi gu malangilangi mmao, ga hagadaba bolo gi daangia age Daniel i lo te haonga laa. De masavaa alaadeu ne dada age ai Daniel i lo te haonga laa, gai teai donu se mommee daudahi ne lagohia i dono angaanga, go hiidinga ia ne hagadonusia dono Maadua.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Proverbs 8:35

Go hiidinga be goai e gidee au e gidee de mouli, gai Tagi Maolunga e abodonu ange gi de ia.

Psalm 146:5

E manuuia tangada go de Maadua o Jacob dono bale, gai dana tali hagalodolodo go Tagi Maolunga, dono Maadua,

Proverbs 13:15

De heiangi e hai ga hagadubu ina tangada, aagai de haiava o tangada e dee hai hegau laa i de mee abodonu e hai ngadaa.

Psalm 125:1

Gilaadeu e hagadonusia Tagi Maolunga e bei de mounga go Zion, e dee maua laa gi baguu gai e duu ga hano ai.

1 Chronicles 5:20

Gai gilaadeu ne kave dahi bale ga hagadee kii de gau Hagar, ma henua alodahi ne hagabuni ange laa gi Hagar, go hiidinga gilaadeu ne dalodalo ange gi de Maadua i de masavaa o de hebagi, gai ia ne basa ange gi delaadeu dangidangi, i hiidinga gilaadeu ne hagadonu ia.

Proverbs 17:2

Tangada hai hegau heiangi e dagi naa tama hagadookaa dangada, ma de kave de boolonga madali denga hai daina daane.

Psalm 32:10

E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

Proverbs 13:13

Tangada e hagangadi mee ina laa muna bale e hagaduasala donu; aagai tangada e hagadubu ina denga hainga e kave naa dono hagaoanga.