Proverbs 16:2 - De Beebaa Dabu

² Tangada e maanadu bolo ana hegau alodahi e gilimalali, aagai Tagi Maolunga e hagahidi dagodo o ono lodo.

Proverbs 16:2 Referans Kwoze

Proverbs 21:2

Tangada e maua i de maanadu bolo ono haiava e heohi, aagai Tagi Maolunga e hagahidi dagodo o ono lodo.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Proverbs 30:12

Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Proverbs 24:12

Noo koe e hagadaba, “Tilo, gimaadeu tee iloo donu,” e aha, de ia e hagahidi ina lodo o dangada e dee iloo e ia de mee nei? E aha, de ia e hagaloosia adu doo mouli e dee iloo e ia de mee nei? Gai ia e dee hagao ange naa dahi ma dahi gi bei dagodo o ana hegau?

Psalm 36:2

Go hiidinga ia e tuhi donu huu ia, bolo ono baubau e dee gidee donu aabe e hakino gee.

Proverbs 5:21

Tagi Maolunga e gidee danuaa hegau a tangada, gai ia e tilo dagodo o ana hegau alodahi e hai.

Proverbs 16:25

E dahi haiava e dulagi be se haiava heohi ange gi tangada, aagai e hano ga duu ange gi de magau.

Daniel 5:27

Tekel: koe gu hagahidi i honga de mee hagahidi, ma gu gidee bolo koe e dee dohu.

Isaiah 26:7

De haiava o tangada heohi e soe; gai koe e hai naa gi soe de haiava o tangada heohi.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Revelation 2:18

“Gai siia ange muna nei gi tangada de langi o de nohoanga dabu i Thyatira: Aanei muna a Tama a de Maadua, e ula laa luoono ganomada bei de ula o de ahi, gai luoono vae e bei bronze malamalama.

1 Samuel 2:3

Duudia doodou pasa hagamaolunga, aabe go doodou pasa hagassoenga; go hiidinga Tagi Maolunga se Maadua iloo mee, gai go ia e hagahidia hegau alodahi.

Proverbs 12:15

Tangada lodo senga e maanadu bolo ana hegau e heohi donu, aagai tangada heiangi e hagallongo denga muna bale.

Numbers 22:32

Gai tangada de langi o Tagi Maolunga ga hai ange gi de ia, “Gu aha gu hagaili ai naa goe dau donkey i denga hanonga e dolu nei? Au ne humai e buibui goe gi dee hano, i hiidinga doo haiava e hai baasi mai gi de au.

Judges 7:6

Gai se dolulau daane ne asuasua age vai i olaadeu lima ga unu ai, gai denga daane ange laa ne duuduli ga unu ai.

Judges 17:6

De masavaa laa gai e deai donu se hodooligi i Israel; gai tangada nei ma tangada nei ne hai donu huu ono mee e lodo ai.

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.