Proverbs 16:19 - De Beebaa Dabu

¹⁹ E danuaa ange doo lodo maolalo gai e noho i magavaa o de hagaau aloha, i dau vaevae goloa ne maua i de hebagi madali de gau hagamaolunga.

Proverbs 16:19 Referans Kwoze

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Psalm 138:6

Tagi Maolunga e galo ange gi gilaadeu e maolalo, e dee galemu donu ia e maolunga mmao, aagai ia e hagammao gee i de gau hagamaolunga.

Psalm 34:18

Tagi Maolunga e hagabaa ange gi gilaadeu e daemaha olaadeu lodo, ma de hagaola gilaadeu gu deai selaadeu tali.

Exodus 15:9

De hagadaumee ne hagadaba, ‘Au e doolohi naa ga daea adu gilaadeu, au e dae naa ogu lodo i de duha olaadeu goloa. Au e dada naa dagu gadilaasa ga daa ai gilaadeu gi maakau.’

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 9:3

Koe gu hai gi soa de huaahenua, ma de hai gi kii ange delaadeu malangilangi; gilaadeu e malangilangi i mada luoo mada bei de malangilangi o dangada i de masavaa o de hagihagi, ma de malangilangi o denga daane i de masavaa e vaevae ai goloa e maua i de hebagi.

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Judges 5:30

‘E aha, gilaadeu tee gidee laa ma de vaevae goloa ne maua i de hebagi? E dahi daane hebagi e dahi aabe e dogolua ana damaa hine; Sisera ne kave malo iai hagadaagangaa leebunga, ma malo gu maaga e dau ange gi dogu ua — mee nei alodahi e dee ni mee ne maua i de hebagi?’

Proverbs 1:13

gidaadeu e maua naa denga hagadaagangaa goloa danuaa, e hhao ai lodo odaadeu hale gi hoohonu i goloa ne hai gi de mahi;

Proverbs 1:14

humai, dau madali gimaadeu, gai gidaadeu ga vaevae mee nei i odaadeu magavaa” —

Proverbs 3:34

Ia e doo mee i gilaadeu e doo mee i de ia, aagai e abodonu ange gi gilaadeu e lodo maolalo.

Proverbs 25:7

e danuaa ange noo ia e hai adu, “Gage mai gi kinei,” i dana hagamaolalo goe i mada i mua o dahi dangada aamua. Noo koe gu gidee dahi mee,