Proverbs 16:17 - De Beebaa Dabu

¹⁷ De haiava o dangada e haia de mee heohi e hagaui gee i de baubau, gai tangada e dagidiiloo dono haiava e hagaola dono mouli.

Proverbs 16:17 Referans Kwoze

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Proverbs 19:16

Be goai e daohia de hainga e buibui dono mouli, aagai be goai e hagangadi mee ina ono haiava e magau donu.

Proverbs 10:9

Tangada e hai hegau laa i de mee abodonu e noho baba, aagai tangada e seesee laa i denga haiava dee heohi e gidee mai naa ono dagodo.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Jude 1:21

Gai goodou duudagi ina de daohi de aloha o de Maadua, ma doodou tali tegi o Iesu Klisdo taadeu Dagi Maolunga ne gaamai laa de mouli e dee ngado mai.

Hebrews 10:39

Aagai gidaadeu e dee bei dagodo o dangada gu aahe dua laa gai gu maakau, aagai gilaadeu e kai e hagamouli donu olaadeu hagasaalunga.

Acts 24:16

Deenei ai, au e hagaduu ngae e hai gi heohi tagi i ogu lodo ange gi de Maadua aama ange gi dangada.

Acts 10:35

aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi.

Matthew 24:13

Aagai tangada naa huu e lodo mmahi ga dae ai gi de hagaodi, gai ia e hagamouli.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

De Beebaa go Job 1:1

E dahi daane e noho i de henua go Uz, dono ingoo go Job. Ia se daane e dee haisala gai e heohi, gai ia e madagu i de Maadua ma de kino i de baubau.

Proverbs 4:23

Gai de mee e hagamogomogo ange i mee alodahi, go de dagitilo dagodo oo lodo, go hiidinga go kilaa iai mee o de mouli.

Proverbs 21:23

Tangada e daohia dono ngudu ma ana muna e tala, e hagaola dono mouli i de hai ngadaa.

Proverbs 22:5

Haiava o tangada hadu muna iai manu daladala ma denga sele, aagai tangada e dagidiiloo dagodo o ono lodo e hagammao gee i mee nei.