Proverbs 15:9 - De Beebaa Dabu

⁹ Hegau a tangada baubau ni mee hakino gee ange gi Tagi Maolunga, gai ia e aloha i tangada e hagaduu ngae ma e ssala de mee heohi.

Proverbs 15:9 Referans Kwoze

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

Proverbs 21:21

Tangada e hai hegau laa i de mee heohi ma de abodonu, e gidee naa e ia de mouli, ma de heohi aama de hagadubu.

Matthew 7:13

“Goodou ulu i de haitoga mada damaa mee, go hiidinga de haitoga e hano laa ga duu ange gi de hagaduasala e mada laumalie ma de lahalaha, gai e soa dangada e ulu ai.

Habakkuk 1:13

Luoo mada e gilimalali mmao, e dee maua i de tilo de baubau; koe e dee maua i de galo ange e tilo de mee dee heohi. Gai gu aha gu dugu ai naa donu huu goe gilaadeu e hai hegau i de hagasenga? Gai gu aha gu dee muu ai naa goe i de masavaa a de gau baubau e daa ai dangada e heohi ange i gilaadeu?

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Jeremiah 44:4

Gai tee modu donu dagu hai gi loadu ogu dangada hai hegau go denga pelaabisi gi oodou daha, gi hai adu, ‘Goodou aude haia hegau hakino gee oogu e kino ai laa!’

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.

Isaiah 51:1

Nnoho mai hagalaangona agu muna, goodou e hai hegau i de heohi, ma goodou e saalaa Tagi Maolunga: goodou kalo ange diiloo de baba oodou ne hoda mai ai laa, ma de baba oodou ne tuu mai ai;

Isaiah 26:7

De haiava o tangada heohi e soe; gai koe e hai naa gi soe de haiava o tangada heohi.

Proverbs 21:8

De haiava o tangada gu haisala e bigo, aagai hegau a tangada gilimalali e heohi.

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.

Proverbs 4:19

Hegau a de gau baubau e bei de gohu boo dangodango, gilaadeu e dee iloo donu be se aha ne hagalaavea olaadeu vae ga baakuu ai laa gilaadeu.

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

Deuteronomy 7:13

Ia e aloha naa i goodou ma de hagamanuuia goodou, ga hai goodou gi hagadili gi soa. Ia e hagamanuuia naa oodou dama, ma manu ssomo i honga oodou gelegele — go oodou grain, ma oodou uvaini hoou ma oodou lolo — ma de hai oodou manu gi hagadili gi lagolago, ma dama a oodou ssiibi, i de henua aana gu hagatoo donu ange gi oodou dubuna madagidagi bolo e gaavadu gi goodou.

Psalm 139:24

Diiloo be e hanu hegau baubau i ogu daha, ma de dagi au i de haiava e deai sono hagaodi.

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

Proverbs 15:10

Tangada e hano gee laa i de haiava heohi e kona dono haelenga, gai tangada e kino laa i dono hagaheohi ina e magau naa donu.

Psalm 5:5

Tangada basa hagamaolunga e dee maua i de duu i mada luoo mada; koe e kino i gilaadeu alodahi e haia de baubau.

Psalm 11:7

Go hiidinga Tagi Maolunga e heohi, ia e lodo mmao i de hagamodu heohi, gai go gilaadeu e heohi e gidee luoono mada.