Proverbs 15:8 - De Beebaa Dabu

⁸ Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Proverbs 15:8 Referans Kwoze

Proverbs 15:29

Tagi Maolunga e mmao gee i de gau baubau, aagai ia e hagallongo dalodalo alaadeu e heohi.

Proverbs 21:27

Ssigidaumaha a tangada baubau se mee hakino gee; gai e kii ange donu de hakino gee noo se mee ne hai i de maanadu baubau!

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

Jeremiah 6:20

Ni haigamaiana aha denga frankincense mai i Sheba, aabe go laagau maanongi mai i dahi henua mmao? Au e dee malangilangi i oodou sigidaumaha dudu; gai oodou sigidaumaha e dee ni mee niiogu e malangilangi ai.”

Proverbs 28:9

Noo tangada e dee hagallongo ange gi de hainga, gai ana dalodalo e hakino gee donu hogi.

Isaiah 61:8

Gai au, go au go Iahweh, e lodo i de hagamodu muna heohi, au e kino i de gaiaa ma de baubau. Gai au e hagao ange naa alaadeu hegau i hiidinga dogu hai hegau i de mee abodonu, ma de hai dahi hagatoo donu hagaheloongoi dee ngado mai madali gilaadeu.

John 4:24

De Maadua se hagasaalunga, gai gilaadeu e daumaha ange gi de ia gi daumaha ange gi de ia i de hagasaalunga aama de mee abodonu.”

Ecclesiastes 5:1

Dagidiiloo au mee e hai i doo masavaa e ulu ai i de hale o de Maadua. E danuaa ange noo koe e hano ga hagallongo, i doo hano ga hai ssigidaumaha a de gau llodo ssenga, go gilaadeu e dee iloo bolo alaadeu mee e hai e dee heohi.

Isaiah 66:3

Aagai tangada e daia dahi kaau e hai ai ssigidaumaha, e bei hogi tangada e daia tangada ga magau; tangada e haia ssigidaumaha i dahi ssiibi gauligi, e bei hogi tangada e milo laa de ua o dahi gaaduu; tangada e haia ssigidaumaha i denga grain, e bei hogi tangada e sigidaumaha i dodo o de biigi, gai tangada e haia ssigidaumaha hagamaanadu o mee maanongi, e bei hogi tangada e daumaha ange gi dahi diinonga. Gilaadeu ne hilihili de hai donu huu olaadeu lodo, gilaadeu ne malangilangi i olaadeu diinonga hakino gee;

Song of Songs 2:14

Dagu manu kono e noho laa i lo te baba, ma de mmuni i magavaa hadu i gaogao de mounga, hagasula mai gi gidee e au luoo mada, haia gi langona e au doo leo, go hiidinga doo leo e maamaane, gai luoo mada e mahamaha.

Psalm 17:1

Tagi Maolunga, hagalaangona dogu heohi, hagasula ina dagu dangidangi! Hagalaangona dagu dalodalo — se dangidangi e dee hai i de hagasenga!

Leviticus 7:18

Noo tangada e gai kano o de manu ne hai ai dana sigidaumaha hagadanuaa magavaa i dua e dolu laangi, gai dana sigidaumaha e dee dau. Gai gu deai haigamaiana ange gi tangada ne haia, gai gu hakino gee; gai tangada ne gaina mee nei e hagaduasala donu i ono baubau.

Proverbs 10:24

De mee o tangada baubau e madagu ai laa, e duu ange naa donu gi de ia, aagai de mee o tangada heohi e lodo ai e gaavange naa donu gi de ia.

Proverbs 15:7

Muna a tangada heiangi e hagalagolago de iloo mee; gai e dee aanei dagodo lodo o de gau llodo ssenga.

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

Micah 6:7

E aha, e maua gi malangilangi Tagi Maolunga i e mano ssiibi daane, madali e dahisemada leevaa lolo? E maua e au i de gaavange dagu dama daane madua e tala ai ogu haisala, go dagu dama ne hagadili i taamada, e hagao ai haisala o dogu hagasaalunga?

Haggai 2:14

Gai Haggai ne basa ange ga hai ange, “E bei ai hogi dagodo o de huaadangada ma de huaahenua nei i mada luoogu mada, go Tagi Maolunga e hagadaba. Alaadeu hegau alodahi e hai, ma alaadeu mee e sigidaumaha e dee gilimalali donu.

2 Samuel 15:12

De masavaa a Absalom e hai ai dana sigidaumaha, gai ia ne aalu ga gaamai Ahithophel, taane Giloh, gi humai i dono aduhale; ia go taane hagasaele o David. Gai dana hagatau e hai baasi ange ai gi de hodooligi gu kii ange de mmahi, gai gu soa hogi dangada ne daudali ange i Absalom.

1 Kings 3:10

Gai de Ia Aamua gu malangilangi i de dalodalo ange o Solomon i de mee nei.

Psalm 141:2

Dagu dalodalo gi bei mee maanongi e dudu laa i oo mada i mua, gai au gi haalo ina luoogu lima i talodalo bei ssigidaumaha i de ahiahi.

Daniel 9:23

De masavaa oou ne daamada ai de dalodalo, gai gu basa adu gi dau dangidangi, gai au gu humai e tala adu gi de goe, go hiidinga koe e hagamogomogo mmao ⌊i daho de Maadua⌋. Deenei ai, hagasaelea muna nei ma de hai gi donu ange goe gi de midi:

Micah 6:6

Se aha naa aagu e kave i dogu hano gi mada luu mada o Tagi Maolunga, e daumaha ange ai gi de Maadua maolunga laa? E maua e au i de hano gi mada luoono mada ma agu ssigidaumaha dudu, i denga kaau gu dagidahi olaadeu ngadau?

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.