Proverbs 15:7 - De Beebaa Dabu

⁷ Muna a tangada heiangi e hagalagolago de iloo mee; gai e dee aanei dagodo lodo o de gau llodo ssenga.

Proverbs 15:7 Referans Kwoze

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

James 3:6

De alelo e bei de ahi ula. Gai se mommee iai de baubau gu dugu madali mee i odaadeu angaanga, gai e hai ga hakino gee de angaanga alodahi, gai e haula ai mee alodahi, mai i de ahi o Gehenna.

Ephesians 4:29

Goodou aude daalaa hanu muna baubau i oodou ngudu, aagai goodou daalaa donu huu muna danuaa e hagammahi ina lodo o dangada, ma de heohi ange gi de masavaa, ma de bale ange ai gilaadeu e langona.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Matthew 10:27

Agu mee e tala adu gi goodou i lo te gohu, gai goodou daalaa i de maalama; agu mee ne musumusu adu gi oodou dalinga, gai goodou hagailoo ina i tua denga hale.

Song of Songs 4:11

Dogu hagababa, luoo malaungudu e bei denga madaua hooni, lalo doo alelo iai denga hooni ma vai uu; oo malo e manongi bei Lebanon.

Psalm 119:13

Au e tala hagamodu alodahi aau gu tala mai.

Psalm 45:2

Koe e mahamaha ange i denga daane; au muna e tala iai de abodonu, deelaa ai, de Maadua gu hagamanuuia goe ga hano ai.

Psalm 37:30

Tangada heohi e tala ana muna i de iloo mee, gai ia e tala dagodo o de hagamodu heohi.

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

Proverbs 15:2

Muna a tangada heiangi iai de iloo mee, aagai muna a tangada lodo senga e hagaago mai dono senga.

Proverbs 15:6

De hale o tangada heohi e honu i goloa hagamogomogo, aagai de hagaoanga o tangada baubau e gaavange gi gilaadeu de hai ngadaa.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Proverbs 5:2

gi maanetonu ai goe, gai au muna e tala gi dagodo ai de iloo mee.

Proverbs 16:23

Lodo o tangada heiangi e dagi ana muna e tala, gai ana muna e maua i de usuusu ange dangada.

Ecclesiastes 10:2

Lodo o tangada heiangi e dagi ia gi de madau, aagai lodo o tangada lodo senga e dagi ia gi de masui.