Proverbs 15:6 - De Beebaa Dabu

⁶ De hale o tangada heohi e honu i goloa hagamogomogo, aagai de hagaoanga o tangada baubau e gaavange gi gilaadeu de hai ngadaa.

Proverbs 15:6 Referans Kwoze

Proverbs 8:21

ma de bolo ange de lava gi gilaadeu e aaloha i de au, ma de hhao gi hoohonu olaadeu mommee doange mee.

Proverbs 21:20

Lo te hale o tangada heiangi iai goloa hagamogomogo ma lolo, aagai tangada lodo senga e hai moumou ana mee.

Proverbs 10:22

De hagamanuuia a Tagi Maolunga e gaamai de lava, gai e deai donu se mee hagadaemaha iai.

Psalm 112:3

Dono hale iai de lava ma goloa lagolago; gai dono heohi e dagodo ga hano ai.

Hebrews 11:26

Ia ne hagadaba bolo de hagangadi mee ina i hiidinga o Klisdo, e hagamogomogo ange i de lava o Egypt, go hiidinga ia ne galo ange gi de hagaoanga i muli mai.

Proverbs 16:8

E danuaa ange doo hagaau aloha, gai koe e hai hegau i de mee heohi, i dau mau goloa lagolago gai koe e dee hai hegau i de hagamodu heohi.

Ecclesiastes 4:6

De lima e honu laa i de noho baba, e danuaa ange i lodo luu lima e hoohonu laa i denga hegau kona, ma de ngadi doolohi a tangada de madangi.

Proverbs 15:16

E danuaa ange de sogoisi oo goloa gai koe e madagu i Tagi Maolunga, i de lagolago oo goloa gai koe e dee baba oo lodo.

Proverbs 13:22

Tangada danuaa e bolo ange dahi mee gi ono mogobuna, aagai de lava o tangada baubau e doange moo tangada heohi.

Psalm 37:16

Momo goloa o tangada heohi e danuaa ange i de lava o de gau baubau soa;

Proverbs 15:5

Tangada lodo senga e hagangadi mee de haelenga a dono damana, aagai tangada e anga ange laa gi dono hagaheohi ina se dangada maanetonu.

Proverbs 15:7

Muna a tangada heiangi e hagalagolago de iloo mee; gai e dee aanei dagodo lodo o de gau llodo ssenga.

Proverbs 3:33

Tagi Maolunga e hagamalaia de hale o tangada baubau, aagai e hagamanuuia de mommee noho o tangada heohi.