Proverbs 15:5 - De Beebaa Dabu

⁵ Tangada lodo senga e hagangadi mee de haelenga a dono damana, aagai tangada e anga ange laa gi dono hagaheohi ina se dangada maanetonu.

Proverbs 15:5 Referans Kwoze

Proverbs 13:18

Tangada e dee anga ange laa gi muna bale e hagaau aloha ma de hagadogaa ina, aagai tangada e hagalaangona laa muna hagaheohi e maua de hagadubu.

Proverbs 13:1

Tama daane heiangi e hagallongo agoago a dono damana, aagai tama hagamanege e hagangadi mee dono hagaseegina.

Proverbs 19:20

Kana ange hagalaangona muna bale ma de daohi denga agoago, gai koe e sula naa ga se dangada heiangi i muli mai.

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.

Titus 1:13

Gai muna nei ni muna abodonu, deenei ai, koe gi hagaseegina gilaadeu gi maua ai gi hagadagadaga age danuaa olaadeu kai,

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Proverbs 10:1

Muna hagasengasenga a Solomon. Tama daane heiangi e hagamalangilangi dono damana, aagai tama lodo senga, e hagadaemaha dono dinana.

Proverbs 6:23

Go hiidinga de muna nei e bei de laama, gai de agoago nei se mee hagamaalama; gai doo hagaheohi ina e hagaabo ange goe gi de haiava o de mouli,

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

Psalm 141:5

De hagaili a tangada heohi au, e bei donu dono abodonu mai; dana hagasee au, e bei donu de lolo e hagasulu ai laa dogu biho; gai au e dee hagaui gee ai donu. Gai au e duudagi naa donu de dalodalo e hai baasi ange ai gi dangada e haia de baubau.

Proverbs 25:12

Tangada heiangi e hagaseegina laa tangada e lodo laa e hagallongo ana muna, e bei de hakai goolo aabe se mee hagalaagii goolo.

Proverbs 15:4

De muna maamaane e bei de manu somo o de mouli, aagai tangada e daahangadia dangada e hagammae lodo o tangada.

Proverbs 15:6

De hale o tangada heohi e honu i goloa hagamogomogo, aagai de hagaoanga o tangada baubau e gaavange gi gilaadeu de hai ngadaa.

Proverbs 1:7

De madagu i Tagi Maolunga go taamada o de heiangi; aagai tangada lodo senga e kino i de heiangi ma agoago heohi.