Proverbs 15:31 - De Beebaa Dabu

³¹ Tangada e hagalaangona muna o de mouli e hagaheohi ange ai laa ia, e noho i magavaa o de gau heiangi.

Proverbs 15:31 Referans Kwoze

Proverbs 15:5

Tangada lodo senga e hagangadi mee de haelenga a dono damana, aagai tangada e anga ange laa gi dono hagaheohi ina se dangada maanetonu.

Proverbs 25:12

Tangada heiangi e hagaseegina laa tangada e lodo laa e hagallongo ana muna, e bei de hakai goolo aabe se mee hagalaagii goolo.

Proverbs 19:20

Kana ange hagalaangona muna bale ma de daohi denga agoago, gai koe e sula naa ga se dangada heiangi i muli mai.

Proverbs 13:20

Tangada e daudali ange i de gau heiangi e hagadaga ange naa de heiangi, aagai tangada e hagabuni ange gi de gau llodo ssenga e hagaduasala donu.

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Proverbs 15:30

Tangada malangilangi e hagamalangilangi lodo o dangada, gai longo danuaa e hagalodo mmahi lodo o dangada.

Proverbs 15:32

Tangada e hagangadi mee ina laa dono hagaseegina e hagangadi mee donu huu ia, aagai tangada e anga ange gi dono hagaheohi ina e kii ange naa de heiangi.

Proverbs 18:15

Tangada heiangi e lodo e hai gi maua e ia de iloo mee, gai luu dalinga o tangada heiangi e ssala de iloo mee.

Ecclesiastes 7:5

E danuaa ange dau hagallongo de hagasee a tangada heiangi goe, i dau hagallongo taahili a de gau llodo ssenga.

Proverbs 13:18

Tangada e dee anga ange laa gi muna bale e hagaau aloha ma de hagadogaa ina, aagai tangada e hagalaangona laa muna hagaheohi e maua de hagadubu.