Proverbs 15:30 - De Beebaa Dabu

³⁰ Tangada malangilangi e hagamalangilangi lodo o dangada, gai longo danuaa e hagalodo mmahi lodo o dangada.

Proverbs 15:30 Referans Kwoze

Isaiah 58:11

Gai Tagi Maolunga e dagi naa goe i masavaa alodahi, ia e gaavadu oo mee e duasala ai i de masavaa hai ngadaa, ma de hagammahi doo angaanga. Gai koe e bei naa dagodo o de veelenga gu maluulu danuaa laa, ma de vai e dee maua laa gi masa.

Proverbs 25:25

Denga longo danuaa mai i dahi henua mmao, e bei denga vai maluulu ange gi tangada gu hieunu laa.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Revelation 21:23

Gai e deai hogi se laa aabe se maasina o de aduhale laa, i hiidinga go de mahamaha o de Maadua e hagamaalama ina kilaa, gai de laama e hagamaalama ina kilaa go Ssiibi Gauligi.

Ecclesiastes 11:7

De maalama e hagamalangilangi, gai tangada e malangilangi i de tilo de maalama o de laa.

Proverbs 17:22

De malangilangi i lodo o tangada e bei de valaai danuaa, aagai de daemaha lodo o tangada e hai ga deai ono mahi.

Proverbs 13:9

De maalama o tangada heohi e maalama mmao, aagai de laama a tangada baubau e diinei naa donu.

Psalm 89:15

Tagi Maolunga, e manuuia gilaadeu gu iloo de hevaalogi ga tuhi goe, ma gilaadeu e seesee i de maalama i mada luoo mada.

Ezra 9:8

Aagai iainei Tagi Maolunga demaadeu Maadua ne abodonu mai gi gimaadeu, i dahi damaa masavaa, ia ne hai gi hanu gimaadeu e doe, ma de gaamai gi gimaadeu dahi duulanga i dono mommee dabu. Demaadeu Maadua ne hai gi ilaage gimaadeu ma de ola mai i omaadeu hagaduasala.

Proverbs 3:8

De mee nei e hai naa ga ieiangi goe, ma de hagammahi lo too angaanga.

Proverbs 15:29

Tagi Maolunga e mmao gee i de gau baubau, aagai ia e hagallongo dalodalo alaadeu e heohi.

Proverbs 15:31

Tangada e hagalaangona muna o de mouli e hagaheohi ange ai laa ia, e noho i magavaa o de gau heiangi.

Proverbs 12:25

Tangada e manavasaa laa ono lodo e lodo baubau, aagai muna danuaa e hagamaamaane ono lodo.