Proverbs 15:27 - De Beebaa Dabu

²⁷ Tangada nnoo hagamau mee, e hagahai ngadaa dono huaabodu, aagai tangada e kino i denga ngadi gaavange hagasenga e mouli donu.

Proverbs 15:27 Referans Kwoze

Proverbs 1:19

Aanei hogi dagodo o dangada alodahi e haia ga lagolago olaadeu mee i de vaivai hai dangada; goloa bee nei e daa donu huu tangada ga magau.

Exodus 23:8

Aude gaavee de mee ngadi gaavange hagasenga; go hiidinga de mee bee nei e hai dangada gi dee gidee e gilaadeu de mee heohi ma de hagahaisala muna a dangada heohi.

Jeremiah 17:11

Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.

Proverbs 11:29

Tangada e hagahai ngadaa ina laa dono huaabodu, se ngadi madangi donu huu aana e kave, gai tangada lodo senga e hai hegau ange naa gi tangada heiangi.

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

Exodus 18:21

Gai koe hilia hogi hanu daane maatua abodonu mai i magavaa o dangada — ni daane e maatagu i de Maadua, ma de hai hegau i de mee abodonu aama de kino i mee ngadi gaavange hagasenga — ga vaevae ange dangada gilaadeu gi dagina; hanu e dagimano, hanu e dagillau, hanu e dagimadalima, aagai hanu e dagimadaangahulu.

Proverbs 29:4

Go de mee heohi a dahi hodooligi e maua ai i de hai gi nnoho paba de henua, aagai de hodooligi e nnoo ange gi denga ngadi gaavange hagasenga e oha de henua.

Proverbs 28:16

Tagi e dee donu laa e vaivai hai dangada; aagai tangada e kino laa i goloa gaiaa e daulooloa naa dono mouli.

Proverbs 20:21

Mee a tangada ne moolau de kave i taamada, e deai donu se manuuia iai i muli mai.

Proverbs 11:19

Tangada e hagaduu ngae laa i de mee heohi e mouli, aagai tangada e hagaduu ngae laa i de baubau e magau donu.

2 Kings 5:27

Deenei ai, magi lebelaa o Naaman e llele adu donu gi goodou ma doo aamuli ga hano ai.” Gai Gehazi ne sao ga hano gee mai i daho Elisha, ia gu magi lebelaa, gai ia gu tea hogi bei dagodo o denga snow.

Joshua 6:18

Aagai goodou kana ange gi dee gaavee e goodou denga mee gu hagamodu e oha, kana hagamalaia goodou i doodou kave hanu mee laa, gai goodou ga hai ai gi se mee e oha ma de gaamai de hai ngadaa gi de mommee nnoho gaainga.

Deuteronomy 7:26

Gai koe aude gaavee dahi diinonga hakino gee gi lo too hale, gi dee oohaa ai goe bei ono dagodo. Gai koe gi kino i de mee hakino gee nei, go hiidinga gu vvae gee e hagadabena ange e oha.

1 Timothy 6:9

Aagai dangada e llodo gi lava gilaadeu e too ange donu gi denga hagatale, gai e noodia i denga maanadu o de lodo senga aama lodo baubau alodahi e dagina ange laa gilaadeu gi de hagaduasala aama de magau.

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.

1 Samuel 12:3

Deenei au; goodou daalaa mai gi de au, i mada luu mada o Tagi Maolunga ma tangada aana gu hagadabu: goai aagu gu kave laa dana kaau? Goai aagu gu kave laa dana donkey? Gai goai aagu gu gaiaa laa dahi ana mee? Gai goai aagu gu vaivai hai laa? Gai goai aagu gu kave laa dahi ngadi gaavange hagasenga i ono daha, gi dee hai hegau ai au i de mee heohi? Goodou daalaa mai gai au ga hagaahe adu oodou mee.”

Proverbs 15:26

Tagi Maolunga e kino i maanadu a tangada baubau, aagai ia e malangilangi i muna alaadeu e gilimalali.

Proverbs 23:4

Aude hagadalea ange gi denga goloa lagolago; gai koe gi heiangi ga tuu de hai mee nei.

Proverbs 28:25

Tangada nnoo hagamau mee e hai naa ga dee heloongoi dangada, aagai tangada e hagadonusia Tagi Maolunga e hagadagadaga age naa.

1 Kings 2:40

gai ia ga hagadabena dana donkey ga gage e hano ai gi daho Achish i Gath, e ssala ai luoono dangada hai hegau, ga hagaahe mai gilaau i Gath.

Psalm 15:5

tangada e balea ange dangada i ana sseene, gai e dee kave dahi mee laa honga de mee aana ne gaavange e hagabaubau ai tangada tigi haisala. Tangada e haia de hegau nei e dee dai ngalungalue donu.