Proverbs 15:19 - De Beebaa Dabu

¹⁹ De haiava o tangada vaiduu e buibuia i manu daladala, aagai de haiava o tangada heohi, gu hai ma gu se haiava soe.

Proverbs 15:19 Referans Kwoze

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Isaiah 30:21

Gai noo goodou e taa gi de madau aabe e taa gi de masui, gai goodou e langona naa dahi leo i oodou dua e hai adu, “Deenei de haiava, goodou seesee ai.”

Proverbs 22:5

Haiava o tangada hadu muna iai manu daladala ma denga sele, aagai tangada e dagidiiloo dagodo o ono lodo e hagammao gee i mee nei.

Proverbs 26:13

Tangada vaiduu e hagadaba, “E dahi laiono i honga de haiava, e dahi laiono e hano saele laa honga denga haiava!”

Proverbs 22:13

Tangada vaiduu e hagadaba, “E dahi laiono i duaahaho!” aabe, “Au e daia naa ga magau i honga denga haiava!”

Proverbs 8:9

Agu muna alodahi e molomolo ange gi gilaadeu e tonu ange, gai e dee haisala donu ange gi dangada e iloo mee.

Psalm 27:11

Tagi Maolunga, agoagona mai au i doo haiava, dagina adu au i de haiava soe, i hiidinga o ogu hagadaumee.

Proverbs 3:6

koe gi manadua ia i mee alodahi aau e hai, gai ia ga dagi ai goe i denga haiava heohi.

Psalm 25:12

Goai naa huu tangada e madagu i Tagi Maolunga? Gai ia e agoago ange ia i de haiava oona e hano ai.

Psalm 5:8

Tagi Maolunga, dagina ngau i doo heohi, i hiidinga o ogu hagadaumee; haia gi soe doo haiava i ogu mada i mua.

Isaiah 57:14

Gai hanu e hagataba naa, “Hagaduulia age, hagaduulia age, hagadabena ina de haiava! Aaua gee mee e buibuia de haiava o ogu dangada.”

Proverbs 15:18

Tangada e moolau laa de lili e hai ga hagadaumee dangada, aagai tangada e golomagi ina ono lodo e hai ga tuu de hagadaumee o dangada.

Proverbs 15:20

Tama daane heiangi e hai ga malangilangi dono damana, aagai tangada lodo senga e hagangadi mee dono dinana.

Proverbs 6:6

Tangada vaiduu, hannoo gi daho de loa, diiloo ai alaadeu hegau, gi heiangi ai goe!

Proverbs 11:5

De heohi o olaadeu e dee haisala e hai gi soe delaadeu haiava, aagai dangada baubau e magau i hiidinga delaadeu baubau.