Proverbs 15:18 - De Beebaa Dabu

¹⁸ Tangada e moolau laa de lili e hai ga hagadaumee dangada, aagai tangada e golomagi ina ono lodo e hai ga tuu de hagadaumee o dangada.

Proverbs 15:18 Referans Kwoze

Proverbs 26:21

Denga dalaa ubu e hai ai de maga ahi, gai lahhie e dahu ai de ahi; e bei ai hogi, tangada lodo hagadaumee e hai ga hebagi dangada.

Proverbs 15:1

De muna maamaane e tuu de bole, aagai muna pada e hai ga lili tangada.

Matthew 5:9

E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

Proverbs 29:22

Tangada lillili e hai ga dee heloongoi magavaa o dangada, gai tangada e lili i masavaa alodahi e dee modu de haisala.

Proverbs 14:29

Tangada e dee moolau laa de lili se dangada e laumalie dono donu, aagai tangada e moolau laa de lili e hagaago mai dono lodo senga.

Ecclesiastes 10:4

Noo dahi dagi gu lili i de goe, gai koe aude dilia doo duulanga, go hiidinga de daudonu e bale de hagaheohi de haisala laumalie.

Proverbs 16:28

Tangada hadu muna e hai ga dee heloongoi dangada, gai tangada hai samu e hagabaubau magavaa o denga hai soa.

Proverbs 10:12

De kino i dangada e hagahale tee buni o dangada, aagai de aloha e haoli denga haisala alodahi.

Proverbs 28:25

Tangada nnoo hagamau mee e hai naa ga dee heloongoi dangada, aagai tangada e hagadonusia Tagi Maolunga e hagadagadaga age naa.

Proverbs 25:15

De golomagi lodo e maua i de sui lodo o dahi dagi, gai muna maamaane e maua i de hhadi de ivi makaga.

2 Samuel 19:43

Gai denga daane o Israel ne hai ange gi denga daane o Judah, “Gimaadeu e madaangahulu odi huu amaadeu diba ange gi de hodooligi, gai e kii ange de laumalie demaadeu heohi ange gi David i goodou. Gai gu aha goodou gu hagangadi mee ai laa gimaadeu? E dee go gimaadeu i mua ne llodo laa e hagaahea mai taadeu hodooligi?” Gai ne kii muna a denga daane o Judah i de mmahi i muna a denga daane o Israel.

Proverbs 15:19

De haiava o tangada vaiduu e buibuia i manu daladala, aagai de haiava o tangada heohi, gu hai ma gu se haiava soe.

Proverbs 16:14

De bole o de hodooligi e bei tangada e gaamai longo o de magau, aagai tangada heiangi e maua i de hagasili dono bole.

Proverbs 22:24

Aude hai soa ange gi tangada e moolau laa de lili, gai gi dee hagabuni ange gi tangada lillili,