Proverbs 15:15 - De Beebaa Dabu

¹⁵ Laangi alodahi o tangada e vaivai haia e baubau, aagai tangada e lodo malangilangi laa, e bei tangada e daonga laa i masavaa alodahi.

Proverbs 15:15 Referans Kwoze

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

Romans 12:12

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

Proverbs 15:13

De lodo e malangilangi laa e hai luu mada o tangada ga malangilangi, aagai de lodo hinangalosaa e hagadaemaha de hagasaalunga o tangada.

Proverbs 17:22

De malangilangi i lodo o tangada e bei de valaai danuaa, aagai de daemaha lodo o tangada e hai ga deai ono mahi.

Romans 5:11

Gai e dee deenei donu huu, gai gidaadeu e malangilangi hogi i de Maadua, i daho taadeu Dagi Maolunga go Iesu Klisdo, go de ia ne haia ga maua e gidaadeu de hagadanuaa odaadeu magavaa ma de Maadua.

2 Corinthians 1:5

Gimaau gu dau hogi i de hagaduasala laumalie madali Klisdo, deelaa ai, gimaau gu kave hogi de hagaaneane laumalie i daho Klisdo.

Acts 16:25

Aagai lo te boo huu gai a Paul ma Silas ga dalodalo, ma de daahili ange gi de Maadua, gai dangada i lo te hale pono ne hagallongo delaau daahili ma de dalodalo.

1 Peter 4:13

Aagai goodou malangilangi i doodou hagauda de hagaduasala madali Klisdo, gai gi malangilangi ai hogi goodou ma de llodo danuaa i de masavaa oona e hagasula mai ai i dono mahamaha.

Proverbs 16:22

De heiangi go de vai o de mouli ange gi gilaadeu gu gaavee, aagai de lodo senga e hagaduasala gilaadeu e lodo ssenga.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

Genesis 47:9

Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

Genesis 37:35

Gai ana dama daane ma ana damaa hine alodahi ga loomai e hagaaneane ange ia, gai ia e tee lodo, ga hai ange: “E deai, gai au e hano naa donu gi daho dagu dama i de mommee o de gau maakau, i dogu hinangalosaa i de ia.” Deelaa ai, dono damana ne dangi i hiidinga o Joseph.

Proverbs 15:14

Tangada e donu ange laa e lodo e hagalaumalie dono iloo mee, aagai tangada lodo senga e noho donu huu i dono ssenga.

Proverbs 15:16

E danuaa ange de sogoisi oo goloa gai koe e madagu i Tagi Maolunga, i de lagolago oo goloa gai koe e dee baba oo lodo.