Proverbs 14:8 - De Beebaa Dabu

⁸ Tangada maanetonu e heiangi i de hagasaele dono haiava e hano ai, aagai de gau llodo ssenga e hagasengalia donu.

Proverbs 14:8 Referans Kwoze

Ephesians 5:17

Deenei ai, goodou gi dee llodo ssenga, aagai gi tonu ange gi lodo o Tagi Maolunga.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

James 3:13

Goai i oodou magavaa e heiangi ma de donu? Gai ia gi hagaagona mai i dono hai hegau i de daudonu ma de heiangi.

Ephesians 4:22

Gai goodou hagauia ma gi dilia gee oodou mouli duai, go tangada duai ne hagasengalia laa i denga lodo donu hakino gee;

Proverbs 11:18

Tangada baubau e kave denga hagaoanga hagasenga, aagai tangada e hai hegau laa i de mee heohi, e kave donu de hagaoanga abodonu.

Proverbs 8:20

au e seesee i de haiava o de heohi, ma haiava o de hagamodu heohi,

Proverbs 2:9

Gai koe e donu ange naa gi de mee heohi ma de hagamodu heohi, ma de soe, aama haiava danuaa alodahi.

Psalm 119:73

Luoo lima ne hai au ma de hagadau dogu angaanga; haia gi dahi ogu donu ange gai au ga agoago ai au hainga.

Psalm 119:5

Mee naa gi maua e au i de daohi gi makaga ga daudali i au muna gu hagasauaa!

Psalm 111:10

De madagu i Tagi Maolunga go taamada o de heiangi; dangada alodahi e seesee i ana hainga e tonu danuaa ange. Dono tuhi gi dee helui ga hano ai!

Jeremiah 13:20

Dangage age diiloo dangada e loomai laa i ngaiho. Gai i hee iai de hagabuulingaa ssiibi gu gaavadu gi de goe, go de hagabuulingaa ssiibi oou e basa hagasoenga ai laa?

Psalm 143:8

Haia gi langona e au i taiao doo abodonu, go hiidinga au e hagadonusia goe. Agoagona mai dogu haiava e hano ai, i hiidinga au e dalodalo adu gi de goe.

1 Corinthians 3:19

Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.”

Proverbs 15:21

De lodo senga e hagamalangilangi ange gi tangada senga, aagai tangada e dahi ono donu ange e seesee i de mee heohi.

Proverbs 12:5

Maanadu a de gau heohi e heohi, aagai hagasaele a de gau baubau e daahanga dangada.

Ecclesiastes 2:13

Au gu gidee bolo de heiangi e danuaa ange i de lodo senga, gai e bei ai hogi, de maalama e danuaa ange i de gohu.

Ecclesiastes 2:16

Tangada heiangi e bei naa hogi dagodo o tangada lodo senga, e dee daulooloa naa donu de hagamanadua dangada ia; dangada e ngalo naa gilaau ngaadahi i muli mai. Tangada heiangi e magau naa hogi bei tangada lodo senga!