Proverbs 14:17 - De Beebaa Dabu

¹⁷ Tangada e moolau laa de lili e hai hegau i de lodo senga, gai dangada e kino i tangada e haia hagasaele baubau.

Proverbs 14:17 Referans Kwoze

Proverbs 14:29

Tangada e dee moolau laa de lili se dangada e laumalie dono donu, aagai tangada e moolau laa de lili e hagaago mai dono lodo senga.

Proverbs 29:22

Tangada lillili e hai ga dee heloongoi magavaa o dangada, gai tangada e lili i masavaa alodahi e dee modu de haisala.

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

Ecclesiastes 7:9

Koe gi dee moolau doo lili; go hiidinga de lili e dagodo i lodo o tangada lodo senga.

Proverbs 15:18

Tangada e moolau laa de lili e hai ga hagadaumee dangada, aagai tangada e golomagi ina ono lodo e hai ga tuu de hagadaumee o dangada.

Proverbs 22:24

Aude hai soa ange gi tangada e moolau laa de lili, gai gi dee hagabuni ange gi tangada lillili,

Proverbs 16:32

Tangada e golomagi ina laa ono lodo e danuaa ange i dahi daane dau o de hebagi, tangada e golomagi ina ono lodo i dono lili e danuaa ange i taane e hagadee kii ina dahi aduhale.

Isaiah 32:7

Haingaa mee a tangada vaivai dagodo e baubau, ia e hadu age denga hagatau baubau e daa ai gi maakau de gau hagaau aloha i ana muna hhadu, e dee galemu donu tangidangi a de gau hagaau aloha e heohi.

Proverbs 12:16

Tangada lodo senga e moolau donu de hagaago mai dono lili, aagai tangada maanetonu e dee anga ange gi muna hagadookaa.

Proverbs 12:2

Tagi Maolunga e abodonu ange gi tangada danuaa, aagai Tagi Maolunga e hagabaubau tangada e haia hagasaele baubau.

Proverbs 6:18

ma de lodo e haia denga hagatau baubau, ma luu vae e moolau laa de hano e hai de baubau,

Esther 3:6

Aagai ia tee lodo donu huu e daa Mordecai gi magau, go hiidinga ia gu iloo be goai dangada o Mordecai. Gai ia ne ssala de hai e daa ai gi maakau dangada alodahi o Mordecai, go de gau Ssuu, e nnoho laa i de nohoanga hodooligi o Ahasuerus.

2 Kings 5:12

E aha, Abana ma Pharpar, luu saalingaa vai i Damascus, e dee danuaa ange laa i denga vai alodahi i Israel? Gai e aha, tee maua e au i de hano e gaugau i kilaa gi gilimalali ai au?” Gai ia ne huli ga hano gee mai i kilaa, ia gu lili mmao.

Proverbs 14:16

Tangada heiangi e madagu i Tagi Maolunga, ma de kino i de baubau, aagai tangada lodo senga e lodo maolunga ma de vaivai hai hegau.

Proverbs 14:18

De gau llodo ssenga e kave de lodo senga, aagai de gau maanetonu e kave naa de iloo mee.

Proverbs 20:3

Tangada e hagaui gee i de hebagi se dangada hagadubu, aagai de gau lodo ssenga alodahi e dee modu de hagadaumee.