Proverbs 14:16 - De Beebaa Dabu

¹⁶ Tangada heiangi e madagu i Tagi Maolunga, ma de kino i de baubau, aagai tangada lodo senga e lodo maolunga ma de vaivai hai hegau.

Proverbs 14:16 Referans Kwoze

Proverbs 22:3

Tangada maanetonu e mmuni i de masavaa aana e gidee ai de mee hagamanavasaa, aagai tangada lodo senga e hagassoe donu huu i dono haiava, gai ia e duasala ai naa donu.

Proverbs 3:7

Aude hagadaba bolo koe e heiangi, gai koe gi madagu i Tagi Maolunga, ma de kino i de baubau.

1 Thessalonians 5:22

Goodou dilia denga hagadaagangaa mee baubau alodahi.

Proverbs 29:9

Noo tangada heiangi e gaavange dahi dangada lodo senga gi de hainga, gai tangada lodo senga e lili naa donu huu ma de gadagada, gai e dee tuu naa donu de hagalongaa.

Proverbs 28:14

Tangada e madagu laa i Tagi Maolunga i masavaa alodahi e manuuia donu, aagai tangada e hagamakaga ina ono lodo e duu ange naa gi de hai ngadaa.

Proverbs 16:17

De haiava o dangada e haia de mee heohi e hagaui gee i de baubau, gai tangada e dagidiiloo dono haiava e hagaola dono mouli.

Proverbs 16:6

Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

Genesis 42:18

Gai de hagadolu laangi huu, gai Joseph ga hai ange gi gilaadeu, “Deenei doodou mee e hai gi mouli ai goodou, go hiidinga au e madagu i de Maadua:

Genesis 33:9

Aagai Esau ne hai ange, “Dogu daina, au e lagolago donu agu mee, hagaahea adu au mee.”

Proverbs 7:22

De masavaa laa donu huu gai tama daane laa ga daudali ange i de hine laa, bei dagodo o de kaau e hano laa gi de mommee e daa ai denga manu, ia e bei dahi dia gu noodia laa i ssele,

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

1 Kings 20:18

Ia ne hai ange, “E dee hilihili donu be gilaadeu ne loomai e hagaheloongoi mai gi gidaadeu, aabe se loomai e hebagi mai, gai goodou booboogia donu huu gilaadeu.”

1 Kings 19:2

Gai Jezebel ne hai dahi dangada gi hano gi hai ange gi Elijah, “Denga maadua gi hagaduasala ina donu au, noo au e dee daa goe gi magau daiao, i de masavaa bee nei, bei dagodo o dahi pelaabisi laa.”

John 9:40

Gai hanu Pharisee i kilaa ne langona e gilaadeu ana muna, ga ssili ange gi de ia, “E aha, koe e hagadaba naa bolo gimaadeu e dee kide hogi?”

Ecclesiastes 10:13

Ana muna i taamada ni muna lodo senga; gai de hagaodi o ana muna e baubau gai e bei muna a tangada senga.

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

Psalm 34:14

Koe gi hano gee i de baubau, gai haia tanuaa; ma de ssala gi maua e goe de noho paba.

Nehemiah 5:15

Denga goobenaa i ogu mua ne hai ga hai ngadaa dangada, i delaadeu kave gai ma uvaini mai i olaadeu daha, madali e madahaa shekel selevaa, gai olaadeu dangada hai hegau ne vaivai hai hogi dangada. Aagai au tee hai hegau bei gilaadeu, i hiidinga au e madagu i de Maadua.

Proverbs 14:15

Tangada senga e hagadonusia mee alodahi, aagai tangada maanetonu e dagitilo dono hai e seesee ai.

Proverbs 14:17

Tangada e moolau laa de lili e hai hegau i de lodo senga, gai dangada e kino i tangada e haia hagasaele baubau.

Numbers 22:27

Gai de masavaa huu a de manu laa ne gidee ai tangada de langi o Tagi Maolunga, gai de manu laa ga dogoduli. Gai Balaam gu kona mmao de lili, gai ia ga hai ange hogi dono dogo ga hagaili ai dana donkey.

De Beebaa go Job 1:1

E dahi daane e noho i de henua go Uz, dono ingoo go Job. Ia se daane e dee haisala gai e heohi, gai ia e madagu i de Maadua ma de kino i de baubau.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;