Proverbs 14:11 - De Beebaa Dabu

¹¹ De hale o tangada baubau e oha naa ga maoha, aagai de hale malo o tangada heohi e hagadagadaga ange naa.

Proverbs 14:11 Referans Kwoze

Proverbs 3:33

Tagi Maolunga e hagamalaia de hale o tangada baubau, aagai e hagamanuuia de mommee noho o tangada heohi.

Proverbs 12:7

De gau baubau e hagadee kii ina naa donu ma de llilo, aagai de huaabodu o olaadeu e heohi e duudagi naa donu huu.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Proverbs 21:12

De Ia Heohi e iloo dagodo o de hale o tangada baubau, gai ia e hagaduasala naa de gau baubau.

De Beebaa go Job 21:28

Goodou e hagadaba, ‘I hee iai de hale o taane aamua laa? Gai i hee iai de hale malo o tangada baubau nogo noho ai laa?’

Proverbs 21:20

Lo te hale o tangada heiangi iai goloa hagamogomogo ma lolo, aagai tangada lodo senga e hai moumou ana mee.

Proverbs 11:28

Be goai e tali hagalodolodo ange gi dono lava e hagadaga iho naa, aagai dangada heohi e bei naa de manu somo lau kohu.

De Beebaa go Job 8:15

Ia e hagannagi ange gi dono hale, aagai gu baguu; ia e poo ange aagena, aagai e dee maua gi duu.

Psalm 128:3

Doo bodu e bei naa de grapevine e hua lagolago i doo hale; au dama e bei naa denga uli o de olive i luu baasi doo deebele.

De Beebaa go Job 18:21

Ni muna abodonu, aanei dagodo o de mommee o tangada baubau; aanei dagodo o de mommee o tangada e dee iloo e ia de Maadua.”

De Beebaa go Job 15:34

Go hiidinga de hagabuulinga o de gau baubau e deai naa donu alaadeu dama, gai de ahi e dudu naa hale o dangada e llodo i denga ngadi gaavange hagasenga.

De Beebaa go Job 8:6

noo koe e gilimalali ma de hai hegau i de muna abodonu, gai ia e hidi age naa, ga hagaahe adu gi de goe doo duulanga donu.

Proverbs 15:25

Tagi Maolunga e oha de hale o tangada hagamaolunga, aagai ia e hai gi dee hagangaalue ina goinga o de hine gu magau dono bodu.

De Beebaa go Job 8:22

Gai dangada e kino i de goe e hai naa ga dookaa, gai de hale o tangada baubau e dee gidee naa.”

Psalm 37:10

De gau baubau e moolau naa donu de llilo ga dee maaleva; gai ga saalaa naa donu e goe gilaadeu i olaadeu mommee, gai koe e dee gidee gilaadeu.