Proverbs 13:4 - De Beebaa Dabu

⁴ Tangada vaiduu e lodo gi mee, gai e deai donu ana mee e mau, aagai tangada hai hegau e maua mee alodahi oona e lodo ai.

Proverbs 13:4 Referans Kwoze

Proverbs 12:24

Tangada hai mee e sula naa ga dagi, gai tangada vaiduu e hai naa ga se dangada hai hegau.

Proverbs 12:11

Tangada e dooa dono alahenua e lagolago ana gai, aagai tangada e dolohia saele mee e deai haigamaiana se dangada senga.

Proverbs 10:4

Tangada vaiduu e hagaau aloha donu, aagai tangada hai mee e sula naa ga se dangada lava.

Proverbs 11:25

Tangada e hagamanuuia ina laa dangada e hagadagadaga age; tangada e balea ange dangada, e kave naa hogi de bale.

Proverbs 28:25

Tangada nnoo hagamau mee e hai naa ga dee heloongoi dangada, aagai tangada e hagadonusia Tagi Maolunga e hagadagadaga age naa.

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

Proverbs 8:34

E manuuia tangada e hagalaangona agu muna, ma de dagitilo i ogu haitoga, ma de tali i ma togu haitoga.

Isaiah 58:11

Gai Tagi Maolunga e dagi naa goe i masavaa alodahi, ia e gaavadu oo mee e duasala ai i de masavaa hai ngadaa, ma de hagammahi doo angaanga. Gai koe e bei naa dagodo o de veelenga gu maluulu danuaa laa, ma de vai e dee maua laa gi masa.

Proverbs 26:13

Tangada vaiduu e hagadaba, “E dahi laiono i honga de haiava, e dahi laiono e hano saele laa honga denga haiava!”

Psalm 92:14

Gilaadeu e duudagi naa donu huu de hhua i de masavaa olaadeu gu madumaatua ai, gilaadeu e duudagi naa donu huu de lau kohu ma de ssomo danuaa,

Numbers 23:10

Goai e maua i de dau gelegele o Jacob, be go de dau e dahi diba i diba e haa o Israel? Dugua mai au gi magau bei de gau heohi, gai dogu hagaodi gi bei de hagaodi olaadeu mouli!”

Proverbs 6:6

Tangada vaiduu, hannoo gi daho de loa, diiloo ai alaadeu hegau, gi heiangi ai goe!

Proverbs 12:27

Tangada vaiduu e dee maua i de dunu i honga de ahi dana manu ne mau, aagai tangada hai hegau e kave naa goloa hagamogomogo.

Proverbs 13:3

Tangada e kana ange laa gi ana muna e tala, e hagaloosi dono mouli, aagai tangada e lagolago laa ana muna e tala, e duu ange donu gi de hagaduasala.

Proverbs 13:5

Tangada heohi e kino i de tala muna hadu, aagai hegau a tangada baubau e hagadookaa ma de hagangadi mee ina.

Proverbs 20:4

Tangada vaiduu e dee hagabalabala dana veelenga i de masavaa hai veelenga, gai e deai naa donu ana huamanu e gide i de masavaa o de hagihagi.

Proverbs 21:5

Hagatau a tangada hai mee e hai ga lagolago ana mee, aagai dangada alodahi e hagamoolau e hagaau aloha naa.

Proverbs 21:25

Mee o tangada vaiduu e lodo ai, e daa donu ia gi magau, go hiidinga ia e dee lodo e hai hegau.

Genesis 26:32

De laangi laa gai de gau hai hegau o Isaac ne loomai ga tala ange gi de ia, dagodo o de vai geli alaadeu gu geli laa, ga hai ange, “Gimaadeu gu gidee hanu vai.”

Joshua 7:3

Gai gilaadeu ne aahe mai ga hai ange gi Joshua, “E dee go denga daane alodahi e hulo e hebagi ange gi Ai, gai hilia donu huu e luamano aabe dolumano daane gi hulo. E dee go denga daane alodahi e loage, go hiidinga e sogoisi donu huu dangada i kilaa.”

Proverbs 24:30

Au ne hano laa gaogao de veelenga a tangada vaiduu, ma de veelengaa grape a tangada senga;

Proverbs 24:31

gai tilo, gu ssomo ai denga manu daladala ma manu dabeo, gai de bae i luu baasi gu maoha.

Song of Songs 5:3

Au gu lava i de hagaui dogu malo; e aha, ga ahe ange au e gahu? Au gu lava i de hhui luoogu vae; e aha, ga ahe ange au e hai gi gelegele luoogu vae?