Proverbs 13:21 - De Beebaa Dabu

²¹ De hai ngadaa e daudali ange i de gau haisala, aagai de hagaoanga o olaadeu e heohi go tanuaa.

Proverbs 13:21 Referans Kwoze

Psalm 32:10

E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

Proverbs 13:13

Tangada e hagangadi mee ina laa muna bale e hagaduasala donu; aagai tangada e hagadubu ina denga hainga e kave naa dono hagaoanga.

Psalm 140:11

Haia de gau hai samu gi dee noho paba i honga de henua; gai de hai ngadaa gi duu ange gi de gau alasala.

Numbers 32:23

Aagai noo goodou e dee hai gi bei muna nei, gai goodou e haisala ange donu gi Tagi Maolunga; goodou gi iloo bolo oodou haisala e aahe adu naa donu huu gi goodou.

Genesis 4:7

Noo koe e hai de mee heohi, gai koe e dau i ogu daha! Gai noo koe e dee hai de mee heohi, gai de baubau e bei dagodo o de manu alasala e dogoduli laa i ma too haitoga; gai e lodo go ia e huahua i de goe, aagai koe haia go koe e dagina de baubau.”

Acts 28:4

Gai ga gidee huu e dangada o de henua laa de labodo e daudau laa i dono lima, gai gilaadeu ga hagataba, “Taane nei se daane daa dangada donu. Ia ne ola mai i de moana, gai de hagamodu heohi e dee dugu ange donu ia gi mouli.”

Psalm 54:5

Ia e sui ange naa hegau baubau a ogu hagadaumee; daia gilaadeu gi maakau i hiidinga koe e hai hegau i de mee abodonu.

Proverbs 11:31

Noo tangada heohi e kave de hagaoanga o ana hegau i henua i lalo, gai e kii ange naa de kave hagaoanga o tangada baubau ma tangada haisala.

Proverbs 17:13

Noo tangada e sui ange tanuaa i de baubau, gai de baubau e dee hano gee naa donu i dono hale.

Isaiah 47:11

De hai ngadaa e dae mai naa donu gi de goe, gai koe e dee maua donu i de hagaola goe. Dahi hai ngadaa e duu adu naa gi de goe gai koe e dee maua naa donu gi ola mai ai, gai de hai ngadaa aau e dee gidee laa e daa hagalele naa donu de hai adu gi de goe.

Proverbs 24:16

gai ga baguu naa donu tangada heohi i e hidu hanonga, gai ia e hidi age ange naa, aagai de gau baubau e maakau naa i de masavaa hai ngadaa.

Ezekiel 7:5

E hagadaba de Ia Aamua go Iahweh: Dahi hai ngadaa, de hai ngadaa gu dae mai!