Proverbs 13:18 - De Beebaa Dabu

¹⁸ Tangada e dee anga ange laa gi muna bale e hagaau aloha ma de hagadogaa ina, aagai tangada e hagalaangona laa muna hagaheohi e maua de hagadubu.

Proverbs 13:18 Referans Kwoze

Proverbs 15:5

Tangada lodo senga e hagangadi mee de haelenga a dono damana, aagai tangada e anga ange laa gi dono hagaheohi ina se dangada maanetonu.

Proverbs 12:1

Be goai e malangilangi i dono haelea, e lodo hogi i de iloo mee, aagai tangada e kino i dono hagaheohi ange, se dangada senga.

Proverbs 25:12

Tangada heiangi e hagaseegina laa tangada e lodo laa e hagallongo ana muna, e bei de hakai goolo aabe se mee hagalaagii goolo.

Proverbs 13:13

Tangada e hagangadi mee ina laa muna bale e hagaduasala donu; aagai tangada e hagadubu ina denga hainga e kave naa dono hagaoanga.

Proverbs 19:6

E soa dangada e ssala de abodonu i dahi dangada maolunga; gai dangada alodahi ni soa niio tangada e gaavange mee ngadi gaavange.

Proverbs 9:9

Agoagona ange tangada heiangi gi kii ange ai dono heiangi; agoagona ange tangada heohi, gi kii ange ai dana mee e iloo.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Psalm 141:5

De hagaili a tangada heohi au, e bei donu dono abodonu mai; dana hagasee au, e bei donu de lolo e hagasulu ai laa dogu biho; gai au e dee hagaui gee ai donu. Gai au e duudagi naa donu de dalodalo e hai baasi ange ai gi dangada e haia de baubau.

Proverbs 13:19

E hagamalangilangi de hai ga bei lodo o tangada, aagai tangada lodo senga e dee lodo e hano gee mai i de baubau.

Proverbs 13:25

Tangada heohi e gaimee ga bosu danuaa, aagai lo te dinae o tangada baubau e hiigai i masavaa alodahi.

Ecclesiastes 7:5

E danuaa ange dau hagallongo de hagasee a tangada heiangi goe, i dau hagallongo taahili a de gau llodo ssenga.

Jeremiah 3:25

Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”