Proverbs 13:17 - De Beebaa Dabu

¹⁷ Tangada hagailoo baubau e duu ange naa gi de hai ngadaa, aagai tangada hagailoo e hai hegau laa i de mee abodonu e hagaheloongoi dangada.

Proverbs 13:17 Referans Kwoze

Proverbs 25:13

Tangada adi muna e hai hegau laa i de mee abodonu, e bei denga snow e hagamaluulu ina laa i de masavaa o de hagihagi: ia e hagamaamaane lodo o ono dangada aamua ne haia ia gi hano.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

1 Corinthians 4:2

E dahi ange mee, tangada e diiloo ange mee a dono dangada aamua, e hai gi se dangada e hai hegau i de mee abodonu.

Ezekiel 3:18

De masavaa naa huu aagu e hai ange ai gi tangada baubau, ‘Koe e magau donu,’ gai koe e dee hagakana ange ia, aabe usuusu ange tangada baubau laa gi hano gee i ana hegau baubau gi mouli ai ia, gai tangada baubau laa e magau donu i lodo ono baubau, aagai au e dau adu donu dono magau gi de goe.

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

1 Timothy 1:12

Au e hagaahe ange de abodonu gi Klisdo Iesu taadeu Dagi Maolunga, go de ia ne hagammahi ina ogu lodo, ia ne hagabinga bolo au se daane e hai hegau i de mee abodonu, ga hili au gi haia ana hegau.

2 Corinthians 2:17

Gai gimaadeu e dee bei dagodo o dangada soa, e haia laa muna a de Maadua bei goloa e hagao laa gi daha gi lagolago ai olaadeu mee. Aagai gimaadeu e hai hegau i de muna abodonu, i demaadeu agoago i mada luu mada o de Maadua, i lodo o Klisdo, bei de hai a de Maadua gu hagadabu ai gimaadeu.

Jeremiah 23:28

De pelaabisi gu hai laa dahi midi gi daalaa dana midi, aagai tangada e daohia agu muna gi kana ange gi daalaa agu muna i de heohi. Gai e dee dagodo daudahi donu lau o de grain ma denga hua, go Tagi Maolunga e hagadaba.

Proverbs 26:6

De hai gi hano dahi dangada lodo senga gi hagailoo ina ana muna, e bei donu de duuduu luu vae o dahi dangada, aabe go dana hagahai ngadaa donu huu ia.

Proverbs 25:23

De madangi mai i ngaiho e gaamai de langi; gai tangada hai samu e hai dangada ga llili.

Proverbs 10:26

Denga vinegar e hai ga ssae denga niho, gai de useahi e hai ga tangi luu mada, gai e bei ai hogi dagodo o tangada vaiduu a dono dangada aamua e hai laa gi suuia ia.

Proverbs 13:18

Tangada e dee anga ange laa gi muna bale e hagaau aloha ma de hagadogaa ina, aagai tangada e hagalaangona laa muna hagaheohi e maua de hagadubu.

Numbers 31:8

Gilaadeu ne daa hogi denga hodooligi e dogolima o Midian, madali de gau ange laa: go Evi, ma Rekem, ma Zur, ma Hur, aama Reba. Gilaadeu ne daa hogi Balaam, tama daane a Beor i de gadilaasa.