Proverbs 12:8 - De Beebaa Dabu

⁸ Dangada e tuhi tangada maanetonu, aagai dangada e kino i tangada maanadu baubau.

Proverbs 12:8 Referans Kwoze

2 Corinthians 10:18

Go hiidinga e dee go tangada e duuhia laa donu huu ia e hagaheohi, aagai go tangada a Tagi Maolunga e tuhi laa.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.

Luke 16:8

Aagai tangada aamua laa ne tuhi dono dangada hai hegau baubau laa i ana hegau heiangi ne hai; go hiidinga dangada o henua i lalo e heiangi ange i dama a de maalama i de hai hegau i magavaa olaadeu dangada.

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

Proverbs 5:23

Ia e magau naa i hiidinga ia tee agoagona, gai dono lodo senga laumalie e dagi gee ia.

Proverbs 3:35

Tangada heiangi e hagadubulia naa, aagai de gau llodo ssenga e dookaa naa.

Proverbs 1:26

deelaa ai, au e gadagada naa hogi i goodou i doodou masavaa e hai ngadaa ai; au e doo mee naa hogi i goodou, i doodou maatagu,

Psalm 132:18

Au e hai naa gi dookaa ono hagadaumee, aagai de hau hodooligi i honga dono biho e hagadagadaga age naa.”

Genesis 41:39

Gai Pharaoh ne hai ange gi Joseph, “Go hiidinga de Maadua ne hagaago adu gi iloo e goe mee nei alodahi, e deai ange donu se dangada e iloo mee ma de heiangi bei oo dagodo.

1 Samuel 25:17

Deenei ai, koe gi iloo mee nei ma de hagasaele be se aha aau e hai; go hiidinga dahi hai ngadaa gu dai hai ange donu gi taadeu dangada aamua, ma dangada alodahi i dono hale. Ia se daane baubau mmao, gai e deai donu se dangada e maua i de tala ange dahi mee gi de ia.”

1 Samuel 18:30

Aagai denga dagi o de gau Philistia ma olaadeu daane e dee modu de loomai e hebagi. Gai masavaa alodahi olaadeu e loomai ai, gai David gu kii ange de sula i de hebagi i dagi o denga daane hebagi o Saul ange laa; deelaa ai, dangada gu kona de hagadubu ia.

1 Samuel 16:18

Gai dahi dama daane ne hai ange, “Tilo, au e iloo dahi dama daane a Jesse, taane Bethlehem, ia e mmau i de hagadangidangi, gai se daane mmahi ma de dau i de hebagi. Ia e heiangi i de basa, gai se daane mahamaha, gai Tagi Maolunga e noho i ono daha.”

1 Samuel 13:13

Gai Samuel ga hai ange gi a Saul, “Ga kona mmao doo lodo senga; koe tee daohi muna a Tagi Maolunga doo Maadua gu tala adu gi de goe. Noo koe ne daudali ai, gai Tagi Maolunga ne hai doo nohoanga hodooligi gi dagodo i Israel ga hano ai.

Ecclesiastes 8:1

Goai e bei dagodo o tangada heiangi? Gai goai e iloo de hagadoonunga o dahi mee? De heiangi e hai ga maalama luu mada o tangada, ma de sui gi dee dagodo lili luoono mada.

Proverbs 12:7

De gau baubau e hagadee kii ina naa donu ma de llilo, aagai de huaabodu o olaadeu e heohi e duudagi naa donu huu.

Proverbs 12:9

E danuaa ange noo koe se dangada e dee dau, gai e dahi oo dangada hai hegau, i dau tala bolo koe se dangada e dau, gai e deai donu au gai.

Proverbs 29:27

Tangada heohi e kino i tangada baubau, gai tangada baubau e kino i tangada e haia de mee heohi.

Isaiah 19:14

Tagi Maolunga gu gaavange de hagasaalunga e haia laa gilaadeu gi ssenga ange; gilaadeu gu hai Egypt gi bei dagodo o tangada senga e ssee saele laa i lodo ono hagalueia.

1 Samuel 2:30

Deenei ai, e hagadaba Tagi Maolunga, de Maadua o Israel, ‘Au ne hagatoo donu bolo doo aamuli e hai hegau mai naa gi de au ga hano ai,’ aagai iainei Tagi Maolunga e hagadaba, ‘Au gu dee hagassula mee nei; go hiidinga au e hagadubu gilaadeu e hagadubulia ngau, aagai au e hagangadi mee gilaadeu e hagangadi mee ina ngau.