Proverbs 12:5 - De Beebaa Dabu

⁵ Maanadu a de gau heohi e heohi, aagai hagasaele a de gau baubau e daahanga dangada.

Proverbs 12:5 Referans Kwoze

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Psalm 139:23

De Maadua, koe diiloo gi iloo ogu dagodo ma ogu lodo; hagataalea ogu dagodo gi iloo ai dagodo o agu maanadu.

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Matthew 26:4

e hagasaele ange ai delaadeu hai e poo hagammuni ai Iesu e daa gi magau.

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

Proverbs 24:9

Hagatau a tangada lodo senga e haisala, gai dangada e kino i tangada doo mee.

Proverbs 11:23

De mee o tangada heohi e lodo ai e sula mai ai naa tanuaa, aagai de tali a tangada baubau e duu ange naa gi de bole.

Psalm 119:15

Au e hagamaumau au muna gu hagasauaa, ma de hagasaele dagodo o oo haiava.

Proverbs 12:4

De hine danuaa e bei de hau mahamaha i honga de biho o dono bodu, aagai de hine hagadogaa dangada e bei de mee e haia laa ga pobo ono ivi.

Proverbs 12:6

Muna a de gau baubau e daa gilaadeu ga magau, aagai muna a dangada e hai hegau i de heohi e hagaola dangada.

Proverbs 14:8

Tangada maanetonu e heiangi i de hagasaele dono haiava e hano ai, aagai de gau llodo ssenga e hagasengalia donu.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

Jeremiah 9:5

Dahi ma dahi e daahanga tangada e baa ange gi de ia, gu deai se dangada e daalaa de muna abodonu. Gilaadeu alodahi gu aabo ange i tala muna hhadu; gilaadeu e hagadee saohia gilaadeu i de hai de baubau.