Proverbs 12:28 - De Beebaa Dabu

²⁸ De haiava heohi go de mouli donu, gai e deai donu se magau i lo te haiava nei.

Proverbs 12:28 Referans Kwoze

3 John 1:11

Dogu soa hagamogomogo, koe gi dee ago ange i hegau baubau nei, aagai koe ago ange i de mee danuaa. Tangada e haia tanuaa se dama donu nii de Maadua, aagai tangada e haia de baubau tigi gidee donu e ia de Maadua.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Proverbs 11:19

Tangada e hagaduu ngae laa i de mee heohi e mouli, aagai tangada e hagaduu ngae laa i de baubau e magau donu.

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.

1 John 2:29

Noo goodou e iloo bolo Klisdo e heohi, gai goodou e iloo hogi bolo dangada alodahi e haia de mee heohi ne haanau mai i ono daha.

Ezekiel 18:9

Ia e daudali i agu muna gu hagasauaa, ma de kana ange ga daohi agu hagamodu. Tangada bee nei se dangada heohi; ia e mouli naa donu, go de Ia Aamua go Iahweh e hagadaba.

Proverbs 10:16

De hagaoanga o tangada heohi go de mouli, aagai de hagaoanga o tangada baubau go de hagaduasala.

Proverbs 8:35

Go hiidinga be goai e gidee au e gidee de mouli, gai Tagi Maolunga e abodonu ange gi de ia.

Deuteronomy 30:15

Tilo, anailaa nei gai au gu dugu i oodou mada i mua de mouli ma tanuaa, aabe go de magau ma de baubau.

Proverbs 9:11

Go de heiangi e haia ga daulooloa doo mouli, ma de hai ga lagolago oo ngadau e mouli ai.

Deuteronomy 32:46

gai ia ga hai ange gi gilaadeu, “Goodou daohia muna alodahi aagu e tala adu gi goodou anailaa nei i oodou lodo, gai goodou ga tala ange ai gi oodou dama gilaadeu gi kana ange gi daohia muna alodahi o de hainga nei.

Jeremiah 21:8

Gai koe daalaa ange hogi gi de huaadangada nei, hai ange: ‘E hagadaba Tagi Maolunga: Tilo, au gu dugu i oodou mada i mua de haiava o de mouli ma de haiava o de magau.

Deuteronomy 30:19

Gai au e hagahi ange de langi ma henua i lalo e hai ai de gau hagadonu gi hai baasi adu ai goodou, bolo au gu dugu i oodou mada i mua de mouli ma de magau, de manuuia ma de hagamalaia. Deenei ai, goodou hilihilia de mouli, gi mouli ai goodou ma oodou dama,

Proverbs 10:2

Goloa hagamogomogo e maua laa i de mee dee heohi e deai donu ono haigamaiana, aagai de mee heohi e hagaola mai i de magau.