Proverbs 12:26 - De Beebaa Dabu

²⁶ Tangada heohi e hagakana ange dono soa, aagai de haiava o de gau baubau e dagi gee gilaadeu.

Proverbs 12:26 Referans Kwoze

1 John 2:26

Au e sisi adu mee nei e tala adu ai dagodo o dangada e llodo laa e dagina gee goodou.

Proverbs 17:27

Tangada e daohia laa dono alelo se dangada iloo mee, gai tangada daudonu se dangada e donu.

Proverbs 12:13

Tangada baubau e hagahaisala donu huu i ana muna e tala, aagai tangada heohi e ola mai naa i de hai ngadaa.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Psalm 16:3

De gau dabu i honga de henua, go gilaadeu e mahamaha, gai au e malangilangi ai.

Proverbs 12:25

Tangada e manavasaa laa ono lodo e lodo baubau, aagai muna danuaa e hagamaamaane ono lodo.

Proverbs 12:27

Tangada vaiduu e dee maua i de dunu i honga de ahi dana manu ne mau, aagai tangada hai hegau e kave naa goloa hagamogomogo.

Proverbs 16:29

Tangada alasala e hagatale tangada e baa ange gi de ia, ma de dagi ia i dahi haiava dee danuaa.

Proverbs 14:22

Dangada e haia hagatau baubau e haisala donu, aagai gilaadeu e haia hagatau danuaa, e kave de abodonu ma de mee abodonu.