Proverbs 12:25 - De Beebaa Dabu

²⁵ Tangada e manavasaa laa ono lodo e lodo baubau, aagai muna danuaa e hagamaamaane ono lodo.

Proverbs 12:25 Referans Kwoze

Proverbs 16:24

Muna a tangada abodonu e bei denga hooni, e maimai ange gi tangada, ma de hagammahi dono angaanga.

Proverbs 15:13

De lodo e malangilangi laa e hai luu mada o tangada ga malangilangi, aagai de lodo hinangalosaa e hagadaemaha de hagasaalunga o tangada.

Proverbs 17:22

De malangilangi i lodo o tangada e bei de valaai danuaa, aagai de daemaha lodo o tangada e hai ga deai ono mahi.

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Proverbs 15:23

Tangada e malangilangi laa i de basa ange i de muna heohi, gai se mee danuaa mmao de tala de muna e heohi ange gi de masavaa!

Zechariah 1:13

Gai Tagi Maolunga ne basa maamaane ange ma de hagaaneane ange tangada de langi nogo pasa laa gimaau.

Proverbs 12:18

Muna aau e tala i mua dau maanadu e velo lodo o tangada bei de gadilaasa kangi, aagai muna a tangada heiangi e hagaieiangi tangada.

Proverbs 27:9

Lolo ma vai hagamanongi e hagamalangilangi tangada, gai de manongi o ssoa o tangada go ana muna bale danuaa.

Psalm 42:11

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.

Proverbs 18:14

Tangada e maua i de hagauda dono magi, aagai goai e maua i de hagauda de mmae o de lodo?

Proverbs 25:11

Muna e tala laa i de masavaa heohi e bei denga aabele goolo e hagatau laa i honga gaini selevaa.

Psalm 38:6

Au gu ino luoogu mada gi honga de gelegele; gai au e daemaha mai i taiao ga boo ai.

Proverbs 15:15

Laangi alodahi o tangada e vaivai haia e baubau, aagai tangada e lodo malangilangi laa, e bei tangada e daonga laa i masavaa alodahi.

Proverbs 14:10

Tangada e donu iho gi dagodo de daemaha ono lodo, gai e deai hogi se dangada e iloo dagodo o dono malangilangi.

Proverbs 12:26

Tangada heohi e hagakana ange dono soa, aagai de haiava o de gau baubau e dagi gee gilaadeu.

Proverbs 15:30

Tangada malangilangi e hagamalangilangi lodo o dangada, gai longo danuaa e hagalodo mmahi lodo o dangada.