Proverbs 12:17 - De Beebaa Dabu

¹⁷ Tangada e daalaa laa de mee heohi e hai ga sula mai de muna abodonu, aagai tangada hagadonu hadu muna e tala de muna hagasenga.

Proverbs 12:17 Referans Kwoze

Proverbs 14:25

Tangada tala hagadonu i de muna abodonu e hagaola mouli o dangada, aagai tangada tala hagadonu hadu muna e daahanga dangada.

Proverbs 14:5

Tangada tala hagadonu i de mee abodonu e dee hadu muna i de masavaa e hagamodu ai muna, aagai tangada tala hagadonu hadu muna e tala muna hhadu.

Proverbs 24:28

Aude hagabaubau ina tangada e baa adu gi de goe i teai hiidinga, aabe gi daahanga ina dangada i au muna.

Proverbs 6:19

ma tangada tala hagadonu hadu muna, aama tangada e haia ga dee heloongoi denga hai daina.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Proverbs 21:28

Tangada tala hagadonu hadu muna e magau naa donu, aagai muna a tangada e hagalaangona e daakodo ga hano ai.

Proverbs 19:28

Tangada tala hagadonu hadu muna e hagangadi mee de hagamodu heohi, gai de ngudu o tangada baubau e holo de baubau.

Proverbs 19:5

Tangada tala hagadonu hhadu muna e dee haihai naa donu ga dee hagaduasala, gai tangada e daalaa muna hhadu e dee ola naa donu.

1 Peter 3:16

gai goodou haia gi gilimalali tagi i oodou lodo, gi dookaa ai gilaadeu e hagabaubau ina oodou hegau danuaa i lodo o Klisdo, i delaadeu hagabaubau goodou.

Acts 6:13

Gai gilaadeu ga hai hanu dangada tala hagadonu hadu muna gi hagabaubau ina ia gi hagataba, “Taane nei e dee modu donu de basa ma e hai baasi ange gi de temple dabu nei aama hainga a Moses;

Matthew 26:59

Gai de gau haimeedabu maolunga ma de hagabuulinga hagasaele alodahi, ne ssala hanu dangada hagadonu hadu muna gi hagabaubau ina Iesu, gi maua ai e gilaadeu i de daa ia gi magau.

Proverbs 12:16

Tangada lodo senga e moolau donu de hagaago mai dono lili, aagai tangada maanetonu e dee anga ange gi muna hagadookaa.

Proverbs 12:18

Muna aau e tala i mua dau maanadu e velo lodo o tangada bei de gadilaasa kangi, aagai muna a tangada heiangi e hagaieiangi tangada.

Zechariah 8:16

Gai aanei oodou mee e hai: goodou hagadau daalaa de muna abodonu i oodou magavaa, ma de hai hegau i de hagamodu muna heohi i de mommee hagamodu muna, e haia laa ga nnoho paba dangada.