Proverbs 12:15 - De Beebaa Dabu

¹⁵ Tangada lodo senga e maanadu bolo ana hegau e heohi donu, aagai tangada heiangi e hagallongo denga muna bale.

Proverbs 12:15 Referans Kwoze

Proverbs 3:7

Aude hagadaba bolo koe e heiangi, gai koe gi madagu i Tagi Maolunga, ma de kino i de baubau.

Proverbs 19:20

Kana ange hagalaangona muna bale ma de daohi denga agoago, gai koe e sula naa ga se dangada heiangi i muli mai.

Proverbs 14:16

Tangada heiangi e madagu i Tagi Maolunga, ma de kino i de baubau, aagai tangada lodo senga e lodo maolunga ma de vaivai hai hegau.

Proverbs 14:12

E dahi haiava e dulagi be go de haiava heohi ange gi tangada, aagai e hano ga duu ange gi de magau.

Proverbs 1:5

tangada heiangi gi hagalaangona gi kii ange ai de lagolago ana mee e iloo, gai mee nei ga dagi ai tangada e donu ange aagena —

Proverbs 26:12

Tangada lodo senga e kii ange de dahi ana tali i tangada e maanadu bolo ia e heiangi.

Proverbs 16:25

E dahi haiava e dulagi be se haiava heohi ange gi tangada, aagai e hano ga duu ange gi de magau.

Proverbs 16:2

Tangada e maanadu bolo ana hegau alodahi e gilimalali, aagai Tagi Maolunga e hagahidi dagodo o ono lodo.

Galatians 6:3

Go hiidinga noo tangada e maanadu bolo ia se mee dau, gai ia e dee dau donu, aagai ia e hagasenga donu huu ia.

Proverbs 9:9

Agoagona ange tangada heiangi gi kii ange ai dono heiangi; agoagona ange tangada heohi, gi kii ange ai dana mee e iloo.

Proverbs 21:2

Tangada e maua i de maanadu bolo ono haiava e heohi, aagai Tagi Maolunga e hagahidi dagodo o ono lodo.

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Proverbs 30:12

Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.

Proverbs 28:11

Tangada lava e maanadu bolo ia se dangada heiangi, aagai tangada hagaau aloha e donu ange laa, e iloo dagodo o tangada lava.

Ecclesiastes 4:13

Tama daane hagaau aloha heiangi e danuaa ange i dahi hodooligi madumadua lodo senga gu dee maua laa i de hagallongo dahi muna e hagakana ange,

Proverbs 26:16

Tangada vaiduu e maanadu bolo ia e heiangi ange i e dogohidu dangada maanetonu i alaadeu muna e tala.

Proverbs 13:1

Tama daane heiangi e hagallongo agoago a dono damana, aagai tama hagamanege e hagangadi mee dono hagaseegina.

Proverbs 13:10

De hagamaolunga e hidi mai ai de hagadaumee, aagai de heiangi e gidee i daho dangada e gaavee muna bale.