Proverbs 12:13 - De Beebaa Dabu

¹³ Tangada baubau e hagahaisala donu huu i ana muna e tala, aagai tangada heohi e ola mai naa i de hai ngadaa.

Proverbs 12:13 Referans Kwoze

Proverbs 21:23

Tangada e daohia dono ngudu ma ana muna e tala, e hagaola dono mouli i de hai ngadaa.

Proverbs 11:8

Tangada heohi e ola mai naa i de hai ngadaa, aagai tangada baubau e duu ange naa donu aagena.

Psalm 64:8

Ia e hai naa alaadeu muna donu gi hai baasi ange gi gilaadeu, gai ia ga oha ai gilaadeu; dangada alodahi e gidee gilaadeu e geugeu naa olaadeu biho.

Daniel 6:24

Gai de hodooligi ga tala ga hagasauaa mee e hai, gai gilaadeu ga dagi mai denga daane ne hagabaubau ina laa Daniel ga tili ange gi lo te haonga o denga laiono, madali olaadeu bodu ma alaadeu dama. Gai olaadeu angaanga tee paa donu i tagelo o de haonga laa, gai denga laiono ga hangahanga gilaadeu ga gai ma olaadeu ivi.

Proverbs 6:2

noo koe gu noodia i au muna gu tala, ma de boogia i hiidinga o au muna gu tala,

2 Peter 2:9

noo deenei tagodo, gai Tagi Maolunga e iloo de hai e hagaola ai gilaadeu e heohi mai i denga hagatale, ma de daohi gilaadeu e dee hai hegau i de mee heohi, i lalo de hagaduasala ga dae ai gi de laangi hagamodu muna.

Ecclesiastes 7:18

E danuaa dau daohi dahi mee nei, aagai e dee tili de mee ange laa; go hiidinga tangada e madagu i de Maadua e maua i de hai mee nei alodahi.

Matthew 27:25

Gai dangada alodahi ne hai ange, “Ono dodo gi dau mai gi gimaadeu ma amaadeu dama.”

Proverbs 15:2

Muna a tangada heiangi iai de iloo mee, aagai muna a tangada lodo senga e hagaago mai dono senga.

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Psalm 5:6

Koe e daa naa ga maakau gilaadeu e hadu muna; Tagi Maolunga e kino i gilaadeu e daia dangada ga maakau, aama gilaadeu e daahangadia dangada.

1 Kings 2:23

Gai de hodooligi go Solomon ga hagatoo donu i de ingoo o Tagi Maolunga, ga hagadaba, “De Maadua gi hagaduasala ina donu au noo au e dee daa Adonijah gi magau, i hiidinga dana dangidangi!

2 Samuel 4:9

Gai David ga hai ange gi Recab ma Baanah dono daina daane, luu dama daane a Rimmon taane Beeroth, “Au e hagatoo donu i de mouli o Tagi Maolunga, ne hagaola ina ngau mai i denga hai ngadaa alodahi:

Genesis 48:16

go tangada de langi ne hagaola ina mai au i denga hai ngadaa alodahi — gi hagamanuuia ina hogi luu gauligi daane nei. Gai gilaau gi gaavee dogu ingoo ma ingoo o luoogu damana go Abraham ma Isaac gai gilaau gi hagadili gi soa i henua i lalo.”

Psalm 59:12

I hiidinga haisala o olaadeu ngudu aama alaadeu muna gu tala, gai olaadeu hagamaolunga gi aahe ange donu huu gi gilaadeu. I hiidinga alaadeu muna hagamalaia aama alaadeu muna hhadu ne tala,

Proverbs 18:21

Muna a tangada iai ssauaa o de mouli aama de magau, gai dangada e aaloha ai e gai naa donu huu alaadeu muna.

Psalm 34:20

Ia e buibui ono ivi alodahi; gai e deai naa donu se ivi daudahi e hadi.

Psalm 59:13

hagallilo ina gilaadeu i doo bole, hagallilo ina gilaadeu ga dae ai gi teai se gilaadeu e doe. Gai henua i lalo alodahi e iloo naa bolo go de Maadua e dagina Jacob. Selah

Proverbs 10:8

Tangada heiangi e daohi denga hainga, aagai tangada lodo senga vava de ngudu e dee hagadagadaga age donu.