Proverbs 12:12 - De Beebaa Dabu

¹² Tangada baubau e lodo i goloa o dangada e haia de baubau, aagai tagelo o tangada heohi e hai gi duu ia gi makaga ma de hua lagolago.

Proverbs 12:12 Referans Kwoze

John 15:5

Go au de grapevine; goodou go denga laa. Be goai e noho i ogu lodo, gai au e noho i ono lodo, gai ia e hua lagolago. Goodou e dee maua donu i de hai dahi mee daudahi, noo goodou e dee noho i ogu lodo.

Isaiah 37:31

Gai dangada ne ola i Judah e nnoho naa i de henua bei dagodo o de manu somo e ssomo laa ono aga ga hulo gi lo te gelegele, gai ono laa iai hua lagolago.

Isaiah 27:6

Gai Jacob e ssomo mai naa ono aga i laangi e loomai, gai Israel e loage naa ono laa ma ono huaala, ga loage ono hua ga hhao henua i lalo alodahi.

Psalm 10:9

Ia e mmuni ma de tali bei de laiono i lodo mee muimui; ia e hagadabena e poo tangada hagaaloha, ma de poo tangada hagaaloha i dana dae.

Psalm 1:3

Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Romans 6:22

Aagai iainei goodou gu ilaage mai i de haisala, gai gu ni dangada hai hegau niio de Maadua, gai doodou mee e maua ai go doodou hai ga ni dangada e dabu, gai de hagaodi o de mee nei go de mouli e dee ngado mai.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

Proverbs 10:15

Goloa lagolago o tangada lava e bei de aduhale gu buibui laa ma gu makaga, aagai de hagaau aloha o tangada e hai ga dee hagadagadaga age ia.

Psalm 9:15

Denga huaahenua gu too ange gi lo te geelinga alaadeu ne geli; olaadeu vae gu llave i de galauna alaadeu ne dugu hagammuni.

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.

Proverbs 21:10

Tangada baubau e lodo mmao i de baubau, gai ia e dee abodonu ange gi tangada e baa ange gi de ia.