Proverbs 11:30 - De Beebaa Dabu

³⁰ Hua o de heohi go de manu somo o de mouli; gai tangada heiangi e maua e ia lodo o dangada.

Proverbs 11:30 Referans Kwoze

Daniel 12:3

Gai gilaadeu e heiangi e maalama naa bei de maalama o lo te langi; gai gilaadeu e dagina ange dangada soa gi de heohi, e maalama naa bei denga heduu ga hano ai e dee ngado mai.

James 5:20

gai ia gi donu iho bolo tangada e hagaahea mai tangada haisala i ana mee dee heohi gu hai laa, gu hagaola donu dono mouli mai i de magau aama de haoli denga haisala lagolago.

Matthew 4:19

Gai Iesu ne hai ange gi gilaau, “Gooluu daudali mai i de au, gai au ga hai gooluu gi ni daane e haangoda ina dangada.”

Proverbs 15:4

De muna maamaane e bei de manu somo o de mouli, aagai tangada e daahangadia dangada e hagammae lodo o tangada.

Proverbs 3:18

De heiangi e bei de manu somo o de mouli, ange gi dangada alodahi e gaavee; gai gilaadeu e daohia de heiangi nei, e manuuia donu.

1 Thessalonians 2:19

E aha, e dee go goodou demaadeu tali hagalodolodo, ma demaadeu malangilangi, aama omaadeu hau hodooligi e hagamahamaha ai i mada luu mada o taadeu Dagi Maolunga go Iesu i dono ahe mai?

John 4:36

De ia e hagihagia gu lava donu i de kave dono hagaoanga, gai gu hagabudu hua ange gi de mouli e dee ngado mai. Gai gi malangilangi ai ngaadahi tangada doo aama tangada hagihagi.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Psalm 92:14

Gilaadeu e duudagi naa donu huu de hhua i de masavaa olaadeu gu madumaatua ai, gilaadeu e duudagi naa donu huu de lau kohu ma de ssomo danuaa,

Proverbs 12:12

Tangada baubau e lodo i goloa o dangada e haia de baubau, aagai tagelo o tangada heohi e hai gi duu ia gi makaga ma de hua lagolago.

Proverbs 14:25

Tangada tala hagadonu i de muna abodonu e hagaola mouli o dangada, aagai tangada tala hagadonu hadu muna e daahanga dangada.