Proverbs 11:24 - De Beebaa Dabu

²⁴ Dahi dangada e abodonu i de ngadi gaavange mee, aagai ia e kii ange naa donu de lagolago ana mee; tangada ange laa e daohi mee e heohi dana gaavange, aagai ia e hano naa donu ga hagaau aloha.

Proverbs 11:24 Referans Kwoze

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Luke 6:38

Goodou ngadi gaavange mee, gi ngadi gaavadu ai hogi gi goodou, i de hagabaaunga danuaa, gu luuluu laa ma gu kadi aama de honu malingilingi. Go hiidinga de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.”

Deuteronomy 15:10

Gai koe lodo aloha ange gi de ia ga gaavange gi lava danuaa ana mee. Gai noo koe gu hai de mee nei, gai Tagi Maolunga doo Maadua ga hagamanuuia au hegau alodahi e hai.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Ecclesiastes 11:6

Koe gi doo ina au golee i taiao, gai koe gi dee ngadi noho i de ahiahi, go hiidinga koe e dee iloo be dee hee de mee e somo, go de mee nei aabe go de mee ange laa, aabe go luu mee nei ngaadahi e ssomo.

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Proverbs 11:18

Tangada baubau e kave denga hagaoanga hagasenga, aagai tangada e hai hegau laa i de mee heohi, e kave donu de hagaoanga abodonu.

Proverbs 28:8

Tangada e haia dangada gi hagao dahi mee laa honga mee aama mee gaavange gi kii ange ai dono lava, e hagabudu naa donu huu mee laa ga dugu ange gi dahi dangada gee, go tangada e ngadi gaavange mee gi de gau hagaau aloha.

Proverbs 11:23

De mee o tangada heohi e lodo ai e sula mai ai naa tanuaa, aagai de tali a tangada baubau e duu ange naa gi de bole.

Proverbs 11:25

Tangada e hagamanuuia ina laa dangada e hagadagadaga age; tangada e balea ange dangada, e kave naa hogi de bale.

Proverbs 13:7

Dahi dangada e hai bolo ia se dangada lava, aagai e deai donu ana mee; gai dahi e hai bolo ia e hagaau aloha, aagai e lagolago donu ono goloa.

Proverbs 28:27

Tangada e abodonu ange laa gi de gau hagaau aloha e dee duasala naa donu; aagai tangada e dee anga ange gi gilaadeu, e duu ange naa gi denga hagamalaia lagolago.

2 Chronicles 31:10

Gai Azariah tangada haimeedabu maolunga, mai i de hagadiilinga o Zadok, ga hai ange, “Mai i taamada de gaamai a dangada denga mee ngadi gaavange gi de hale o Tagi Maolunga, gai gimaadeu gu gaimee ma gu boobosu, gai e lagolago donu mee e doe, go hiidinga Tagi Maolunga gu hagamanuuia ono dangada. Gai de hagabuudungaa mee nei go mee doe.”

Malachi 3:8

E aha, e heohi de gaiaa a tangada mee a de Maadua? Gai goodou gu gaiaa donu agu mee! Aagai goodou e ssili, ‘Dee hee demaadeu hai ne gaiaa ai au mee?’ Goodou ne gaiaa dahi diba i diba e madaangahulu ma denga sigidaumaha.