Proverbs 11:13 - De Beebaa Dabu

¹³ Tangada hai samu e tala mee e dee tala, aagai tangada e hai hegau laa i de mee abodonu e daohi de mee e dee alaange de tala.

Proverbs 11:13 Referans Kwoze

Proverbs 20:19

Tangada hai samu e hagangadi mee de tali a tangada; deelaa ai, aude hagabuni ange gi tangada vava de ngudu.

Proverbs 25:9

Noo gooluu ma tangada e baa adu gi de goe gu dee heloongoi, gai koe gi dee daalaa ange ana muna gi dahi dangada gee,

Leviticus 19:16

Aude hano gi hagadele ina hanu muna hhadu i magavaa o dangada. Aude hai baasi ange gi tangada, gai balea ange tangada e baa adu gi de goe, i de masavaa e hagamodu ai ono muna. Go au donu go Iahweh.

1 Timothy 5:13

E dahi ange mee, gilaadeu gu ngadi nnoho, ma de hagadaga saele i hale o dangada ga hai samu ai ma de baatai, aama de tala mee e dee heohi delaadeu tala.

Joshua 2:14

Gai luu daane laa ga hai ange gi de ia, “De Maadua gi daia gimaau gi maakau, noo gimaau e dee hai gi bei demaau hagatoo donu! Noo koe e dee tala ange gi dahi dangada dagodo o demaau hegau, gai de masavaa naa huu a Tagi Maolunga e gaamai ai de henua gi gimaadeu, gai gimaau ga abodonu adu hogi gi de goe i de muna abodonu.”

Jeremiah 38:27

Gai denga dagi alodahi ne loomai gi daho Jeremiah, ga ssili ange gi de ia mee laa, gai ia ga tala ange gi gilaadeu muna alodahi a de hodooligi gu tala ange ia gi daalaa. Gai gilaadeu gu dee pasa ange ai loo gi de ia, go hiidinga teai se dangada daudahi ne langona alaau muna ma de hodooligi.

Proverbs 14:5

Tangada tala hagadonu i de mee abodonu e dee hadu muna i de masavaa e hagamodu ai muna, aagai tangada tala hagadonu hadu muna e tala muna hhadu.

Joshua 2:20

Aagai noo koe e tala ange gi dahi dangada dagodo o amaau hegau ne loomai e hai, gai gimaau e dee haisala donu, i demaau dee hai gi bei de hagatoo donu aau gu hai nei gimaau gi hagatoo donu adu ai gi de goe.”

Proverbs 11:12

Tangada lodo senga e hagangadi mee tangada e baa ange gi de ia, aagai tangada e donu ange e hagapuni dono ngudu.

Proverbs 12:23

Tangada maanetonu e dee tala ange gi dangada dana mee e iloo, aagai de gau llodo ssenga e hagaago mai donu delaadeu llodo ssenga.

Proverbs 19:11

Tangada maanetonu e dee moolau de lili, gai ia e hagadubulia i dono dee anga ange gi de haisala ange o dahi gi de ia.

Proverbs 10:19

De masavaa naa huu aau e tala ai muna lagolago, gai koe e maua donu gi haisala, aagai tangada e maua i de daohi dono alelo se dangada heiangi.