Proverbs 11:10 - De Beebaa Dabu

¹⁰ De masavaa naa huu o dangada heohi e hagadagadaga age ai, gai dangada i de aduhale gu malangilangi, gai de masavaa naa huu o dangada baubau e maakau ai, gai dangada gu kona de malangilangi.

Proverbs 11:10 Referans Kwoze

Proverbs 28:12

De masavaa naa huu o de gau heohi e kii ai, gai dangada gu malangilangi; aagai de masavaa o de gau baubau e ssula ai, gai dangada e hulo ga mmuni.

Judges 5:31

Tagi Maolunga, oo hagadaumee alodahi gu odi i de maakau! Aagai oo soa alodahi gi bei dagodo de mmahi o de laa i dono masavaa e sobo age ai.” Gai de henua ne nnoho paba i e madahaa ngadau.

Proverbs 28:28

De masavaa naa huu o de gau baubau e sula ai ga mmahi, gai dangada ga mmuni; aagai de masavaa naa huu olaadeu e maakau ai, gai gilaadeu e heohi gu hagadagadaga age.

De Beebaa go Job 27:23

De madangi e baabaa naa luoono lima ga doo mee i de ia, ma de hagavogivogi hagammae manava ga dugi ia gi hano gee i dono mommee.

Exodus 15:21

Gai Miriam ne daahili ga hagadaba: “Daahili ange gi Tagi Maolunga, go hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.”

2 Kings 11:20

Gai dangada alodahi o de henua gu malangilangi. Gai dangada i de aduhale gu nnoho paba i dua de daa o Athaliah ga magau i de gadilaasa i de hale o de hodooligi.

Proverbs 11:11

De manuuia o olaadeu e heohi e hai ga hagadagadaga age de aduhale, aagai muna a de gau baubau e oha de aduhale.

Proverbs 29:2

De masavaa olaadeu e heohi e hagadagadaga age ai, gai dangada e malangilangi; aagai de masavaa naa huu o tangada baubau e dagi ai, gai dangada e duasala.

2 Chronicles 23:13

Gai ia gu gidee de hodooligi e duu i gaogao dono duludulu i de haitoga. Gai denga dagi ma de gau e ilihia denga trumpet e tuu i gaogao de hodooligi, gai dangada alodahi o de henua e malangilangi ma de ili denga trumpet, gai de gau daahili ma alaadeu mee hagadangidangi e dagi dangada i taahili tuhi. Gai Athaliah ne ssae ono malo ga oo ga hagadaba, “Goodou gu hai dahi doo! Goodou gu hai dahi doo!”

2 Chronicles 23:21

Gai dangada alodahi i de henua gu malangilangi. Gai dangada i de aduhale gu nnoho paba, i dua de daa o Athaliah ga magau i de gadilaasa.

Jeremiah 51:48

De langi ma henua i lalo, ma mee alodahi iai, e daahili naa ga malangilangi i de hai ange mee nei gi Babylon, go hiidinga de gau e oohaa mee e loomai naa i ngaiho ga hebagi ange gi de henua, go Tagi Maolunga e hagadaba.