Proverbs 10:22 - De Beebaa Dabu

²² De hagamanuuia a Tagi Maolunga e gaamai de lava, gai e deai donu se mee hagadaemaha iai.

Proverbs 10:22 Referans Kwoze

Psalm 107:38

Ia ne hagamanuuia gilaadeu, gai gilaadeu ne hagadili ga kona de soa; gai ia tee hai gi sogoisi mai alaadeu manu haangai.

Genesis 26:12

Gai Isaac ne doo hanu veelenga i de henua laa, gai hua ne hagihagi i de ngadau laa se lau hanonga ne lagolago ange ai i ana hua ne doo, go hiidinga Tagi Maolunga ne hagamanuuia ia.

Genesis 24:35

Tagi Maolunga gu hagamanuuia mmao dogu dangada aamua, ma gu hai ia gi se dangada maolunga. Gai ia gu gaavange gi de ia denga ssiibi, ma kaau, ma selevaa, ma goolo, ma daane ma haahine hai hegau, ma gamelo aama donkey.

Genesis 12:2

Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada.

Psalm 37:22

Gilaadeu a Tagi Maolunga e hagamanuuia e henua naa i de henua, aagai gilaadeu aana e hagamalaia e gaavee gee naa donu.

Proverbs 20:21

Mee a tangada ne moolau de kave i taamada, e deai donu se manuuia iai i muli mai.

Genesis 13:2

Gai Abram gu kona donu de lagolago ana manu haangai, ma selevaa, aama goolo.

Proverbs 28:22

Tangada gailalopoli e kona de lodo gi moolau dono lava, gai ia e dee iloo bolo ia e duu ange naa donu gi tuasala.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”

Genesis 14:23

bolo au e dee kave donu dahi deleisi, aabe se mee e nnoa ai mee vae daudahi mai i oo daha, gi dee hagadaba ai goe, ‘Go au ne haia Abram ga se dangada lava.’

Joshua 6:18

Aagai goodou kana ange gi dee gaavee e goodou denga mee gu hagamodu e oha, kana hagamalaia goodou i doodou kave hanu mee laa, gai goodou ga hai ai gi se mee e oha ma de gaamai de hai ngadaa gi de mommee nnoho gaainga.

1 Kings 21:19

Gai koe hai ange gi de ia, ‘E hagadaba Tagi Maolunga: E dee go koe ne daia laa dahi dangada ga magau ga kave dono alahenua?’ Hai ange hogi gi de ia, ‘E hagadaba Tagi Maolunga: de mommee a denga gaaduu ne samusamu ai laa dodo o Naboth, go kilaa hogi a denga gaaduu e samusamu ai oo dodo!’ ”

Genesis 26:13

Gai Isaac gu kona mmao dono lava, gai e hagadagadaga ange donu de lagolago ana mee.

Deuteronomy 26:10

Gai anailaa nei gai au ne gaamai denga huamanu ne hagihagi i taamada i honga de gelegele a Tagi Maolunga gu gaamai gi de au.” Gai koe ga dugu ange de gede laa gi mada luu mada o Tagi Maolunga doo Maadua, gai koe ga daumaha i mada i mua o Tagi Maolunga doo Maadua.

Deuteronomy 28:11

Tagi Maolunga e hai naa goe gi lava — i denga dama aau e haanau, ma dama a au manu haangai, aama hua o manu i honga doo gelegele, i de henua a Tagi Maolunga gu hagatoo donu ange gi oo dubuna madagidagi, bolo e gaavadu gi goodou.

2 Chronicles 25:9

Gai Amaziah ne hai ange gi taane o de Maadua, “Gai ni aha gu hai ange gi de lau talent aagu gu hagao ange ai laa de hagabuulinga hebagi o Israel?” Gai taane o de Maadua ga hai ange, “Tagi Maolunga e maua i de gaavadu gi de goe mee e kii ange de lagolago ange i mee laa.”

Proverbs 8:21

ma de bolo ange de lava gi gilaadeu e aaloha i de au, ma de hhao gi hoohonu olaadeu mommee doange mee.

Proverbs 14:24

De lava o de gau heiangi go de hau i honga olaadeu biho, aagai de llodo ssenga o de gau llodo ssenga e hagaago mai de lodo senga.

Daniel 1:15

Gai ga odi huu de madaangahulu laangi laa, gai ia gu gidee bolo denga dama daane laa e kii ange de ssomo danuaa ma de pedi i denga dama daane alodahi e gaimee laa i gai a de hodooligi.

1 Chronicles 4:10

Gai Jabez ne dalodalo ange gi de Maadua o Israel, ga hai ange, “De Maadua, gaamai gi de au de manuuia ma de hai gi laumalie dogu mommee. Gai koe noho i ogu daha ma de buibui au i denga hai ngadaa alodahi, gi dee hagammae ina ai au.” Gai de Maadua ne hai ga bei dono mee ne dangidangi ai.

2 Chronicles 32:27

Gai Hezekiah gu kona mmao de lava ma de laumalie dono hagadubu, gai ia ga hagatuu denga mommee doange e hhao ai ana selevaa ma goolo, ma hadu hagamogomogo, ma mee maanongi, ma mee hungihungi, aama hagadaagangaa goloa hagamogomogo ange laa.

2 Chronicles 32:29

Ia ne hagatuu hogi denga aduhale ma de hai ga lagolago ana ssiibi ma kaau, go hiidinga de Maadua gu gaavange gi de ia mee lagolago mmao.

Psalm 127:2

E deai haigamaiana doo oho age i taiao, ma de ala i de boo, ga hai hegau ange gi denga mee gai, go hiidinga de Maadua e gaavange mee nei gi dangada oona e aloha ai i delaadeu sseni.