Proverbs 10:21 - De Beebaa Dabu

²¹ Muna a tangada heohi e bale ange dangada soa, aagai de gau llodo ssenga e maakau i hiidinga delaadeu ssenga.

Proverbs 10:21 Referans Kwoze

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Proverbs 17:16

Ni haigamaiana aha de dahi sseene a tangada lodo senga e hagao ai de heiangi, gai e deai donu se heiangi i ono daha?

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Proverbs 1:29

Go hiidinga gilaadeu ne kino i de iloo mee, gilaadeu tee hai gi maatagu gilaadeu i Tagi Maolunga,

Proverbs 15:4

De muna maamaane e bei de manu somo o de mouli, aagai tangada e daahangadia dangada e hagammae lodo o tangada.

Proverbs 5:23

Ia e magau naa i hiidinga ia tee agoagona, gai dono lodo senga laumalie e dagi gee ia.

Proverbs 5:12

koe ne hagadaba, “Au ne kino mmao i dogu agoagona, gai au ne hagangadi mee dogu haelenga!

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

De Beebaa go Job 23:12

Au ne kii ange dogu daudali i ana muna gu tala mai, i dagu hagamogomogo i agu gai.

Jeremiah 15:16

De masavaa aagu ne gidee ai au muna, gai au ne gai au muna; au e malangilangi i au muna ma de lodo danuaa ai, go hiidinga au gu kave doo ingoo, Iahweh, de Maadua o denga hagabuulinga hebagi.

Proverbs 12:18

Muna aau e tala i mua dau maanadu e velo lodo o tangada bei de gadilaasa kangi, aagai muna a tangada heiangi e hagaieiangi tangada.

1 Peter 5:2

goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Jeremiah 3:15

Gai au e gaavadu naa gi goodou de gau hagaloosi e haia ogu lodo, gai gilaadeu ga dagi ai goodou i de iloo mee ma de tonu ange.

Psalm 37:30

Tangada heohi e tala ana muna i de iloo mee, gai ia e tala dagodo o de hagamodu heohi.

Matthew 12:35

Tangada danuaa e hai tanuaa, go hiidinga ono lodo iai tanuaa. Aagai tangada baubau e hai de baubau, go hiidinga ono lodo iai de baubau.

Proverbs 6:32

Taane dagodo haisala se dangada donu senga, gai be goai e haia hegau nei e daa donu huu ia ga magau.

Proverbs 10:11

De ngudu o tangada heohi e bei de vai hagamouli, aagai muna a tangada baubau e hagammuni dono alasala.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;

Proverbs 5:2

gi maanetonu ai goe, gai au muna e tala gi dagodo ai de iloo mee.

Proverbs 15:7

Muna a tangada heiangi e hagalagolago de iloo mee; gai e dee aanei dagodo lodo o de gau llodo ssenga.

Ecclesiastes 12:11

Muna a de gau heiangi e bei laagau a tangada hagaloosi e hagabaa ai laa ana manu, alaadeu dalaa muna gu hagabudu ma gu daohi e bei denga neele gu tugi laa ma gu makaga — ni muna nii dahi dangada hagaloosi ssiibi.

Isaiah 5:13

Deelaa ai, ogu dangada e gaavee naa gi denga henua gee, go hiidinga teai selaadeu iloo mee; olaadeu daane maolunga e maakau naa i de hiikai, gai olaadeu hagabuulinga soa e maakau naa i de hieunu.