Proverbs 10:19 - De Beebaa Dabu

¹⁹ De masavaa naa huu aau e tala ai muna lagolago, gai koe e maua donu gi haisala, aagai tangada e maua i de daohi dono alelo se dangada heiangi.

Proverbs 10:19 Referans Kwoze

James 3:2

E lagolago donu odaadeu mee e haisala ai, gai noo tangada e dee haisala i ana muna e tala, gai ia se dangada gu heohi abodonu, ia gu maua hogi i de dagi dono angaanga alodahi.

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

Ecclesiastes 5:3

De midi e hidi mai i de lagolago hagasaele, gai e bei ai hogi, tangada lodo senga e lagolago ana muna.

Psalm 39:1

Au ne hagadaba, “Au e dagitilo naa ogu haiava ma de daohi dogu alelo gi dee haisala; au e nnoa naa dogu ngudu i taulooloa de nnoho o de gau baubau i dogu mommee iai.”

De Beebaa go Job 11:2

“E maua i tee basa ange gi denga muna lagolago? E maua i de hagaheohi tangada vava de ngudu?

Proverbs 18:21

Muna a tangada iai ssauaa o de mouli aama de magau, gai dangada e aaloha ai e gai naa donu huu alaadeu muna.

Ecclesiastes 5:2

Aude hagamoolau gi daalaa hanu muna i doo ngudu, aude hagamoolau gi daalaa hanu ngadi muna i oo lodo i mada luu mada o de Maadua. Go hiidinga de Maadua e noho i de langi, gai koe i henua i lalo, deelaa ai, haia gi dee lagolago au muna e tala.

Proverbs 11:12

Tangada lodo senga e hagangadi mee tangada e baa ange gi de ia, aagai tangada e donu ange e hagapuni dono ngudu.

Proverbs 11:13

Tangada hai samu e tala mee e dee tala, aagai tangada e hai hegau laa i de mee abodonu e daohi de mee e dee alaange de tala.

Proverbs 12:23

Tangada maanetonu e dee tala ange gi dangada dana mee e iloo, aagai de gau llodo ssenga e hagaago mai donu delaadeu llodo ssenga.

Ecclesiastes 5:1

Dagidiiloo au mee e hai i doo masavaa e ulu ai i de hale o de Maadua. E danuaa ange noo koe e hano ga hagallongo, i doo hano ga hai ssigidaumaha a de gau llodo ssenga, go gilaadeu e dee iloo bolo alaadeu mee e hai e dee heohi.