Proverbs 10:18 - De Beebaa Dabu

¹⁸ Tangada e hagamuunia laa dono kino se dangada donu hadu muna, gai be goai e hagadele ina muna hagabaubau se dangada lodo senga.

Proverbs 10:18 Referans Kwoze

Psalm 55:21

Ana muna e segesege bei denga kiliisi, aagai ono lodo e maanadu de hebagi; ana muna e ssali ngaohie ange i lolo, aagai e bei donu de gadilaasa kangi gu dada mai laa e tuu ai dahi mee.

Psalm 15:3

Ia e dee hagabaubau dahi dangada gee, gai e dee hai ange de baubau gi tangada e baa ange gi de ia, aabe hagabaubau dahi dangada gee.

2 Samuel 3:27

Gai de masavaa o Abner ne dae mai ai gi Hebron, gai a Joab ne kave ia gi gaogao de haitoga o de aduhale, e dagodo be ia e lodo e pasa ai gilaau. Gai ia ga velo tinae o Abner, gai ia gu magau, i hiidinga ia ne daa ga magau taina daane o Joab go Asahel.

Psalm 101:5

Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

Psalm 50:20

Koe e duudagi huu de hai baasi ange gi doo daina; ma de hagabaubau tama daane a doo dinana donu.

Psalm 12:2

Dangada alodahi gu hagadau hadu muna; alaadeu muna e hagasegesege ange dangada i de mee hhadu.

Psalm 5:9

E deai se gilaadeu e maua i de tala de muna abodonu, gilaadeu e maanadu donu huu de daa dangada. Olaadeu holomanga e bei taanunga e mahuge laa; gilaadeu e hagasegesege ange i alaadeu muna.

1 Samuel 18:29

gai a Saul gu kii ange donu dono madagu i David. Deelaa ai, a Saul gu hai David gi se hagadaumee niiona i taulooloa ono laangi ne mouli ai.

Exodus 23:1

“Aude hagadele ina denga longo hhadu. Aude hagabuni ange gi tangada baubau gi daalaa hagadonu ina ai ana muna hhadu.

Jeremiah 9:4

Tangada gi kana gi dagidiiloo dangada e paa ange gi de ia, aude hagadonusia dahi oo daina. Go hiidinga dangada alodahi ni dangada hadu muna, gai tangada e baa adu se dangada adi longo.

Leviticus 19:16

Aude hano gi hagadele ina hanu muna hhadu i magavaa o dangada. Aude hai baasi ange gi tangada, gai balea ange tangada e baa adu gi de goe, i de masavaa e hagamodu ai ono muna. Go au donu go Iahweh.

Jeremiah 6:28

Gilaadeu alodahi ni dangada makaga olaadeu lodo ma de hagamaanege, gai e hulo saele ma e hai samu i dangada. Gilaadeu e makaga bei denga bronze ma iron; gilaadeu alodahi e hai hegau hakino gee.