Proverbs 10:17 - De Beebaa Dabu

¹⁷ Tangada e hagalaangona laa muna hagaheohi e hagaago mai de haiava o de mouli, aagai tangada e dee anga ange gi muna hagaheohi e dagi ange dangada ange laa gi de haisala.

Proverbs 10:17 Referans Kwoze

Proverbs 6:23

Go hiidinga de muna nei e bei de laama, gai de agoago nei se mee hagamaalama; gai doo hagaheohi ina e hagaabo ange goe gi de haiava o de mouli,

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

Proverbs 15:10

Tangada e hano gee laa i de haiava heohi e kona dono haelenga, gai tangada e kino laa i dono hagaheohi ina e magau naa donu.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Proverbs 5:12

koe ne hagadaba, “Au ne kino mmao i dogu agoagona, gai au ne hagangadi mee dogu haelenga!

Proverbs 3:18

De heiangi e bei de manu somo o de mouli, ange gi dangada alodahi e gaavee; gai gilaadeu e daohia de heiangi nei, e manuuia donu.

Ecclesiastes 5:6

Koe gi dee haisala i au muna e tala. Gai koe gi dee hai baasi ange gi tangada e daalaa muna a de Maadua, “Ne haisala dagu mee ne hagatoo donu ai.” Ni haigamaiana aha dau hai gi lili de Maadua i au muna, ga hidi mai ai dana oha au hegau alodahi gu hai?

Proverbs 12:1

Be goai e malangilangi i dono haelea, e lodo hogi i de iloo mee, aagai tangada e kino i dono hagaheohi ange, se dangada senga.

Proverbs 4:13

Daohia agu agoago, aude dilia donu, gai diiloo ange gi danuaa, go hiidinga deenei doo mouli.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Proverbs 4:4

gai dogu damana ne agoago mai au, ga hai mai, “Daohia agu muna i oo lodo, doange ina agu muna e tala adu, gi mouli ai goe.

Proverbs 1:30

gai ne kino i agu muna e bale ange ai gilaadeu, ma de hagangadi mee dagu hagasee gilaadeu,

2 Chronicles 25:16

De masavaa o de pelaabisi laa e basa ai, gai de hodooligi ga hai ange gi de ia, “Goai ne hagasula ina goe gi se dangada e daalaa ange mee a de hodooligi e hai? Gu lava au muna e tala! Ni haigamaiana aha doo magau?” Gai de pelaabisi laa ga tuu de tala ana muna, aagai ia ne hai ange, “Au e iloo bolo de Maadua gu hagatau e daa goe gi magau, i hiidinga au hegau gu hai, koe tee lodo e hagallongo agu muna e bale adu ai goe.”

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.

Judges 19:17

Gai de masavaa huu aana ne gidee ai de gau laa i lo te aduhale o de aduhale, gai ia ne ssili ange, “Goodou ga hulo naa gi hee? Gai go hee oodou ne loomai ai naa?”

Proverbs 5:14

Ne momo ange donu huu au gu hagadogaa ina i magavaa o de hagabuulingaa dangada.”

Proverbs 15:32

Tangada e hagangadi mee ina laa dono hagaseegina e hagangadi mee donu huu ia, aagai tangada e anga ange gi dono hagaheohi ina e kii ange naa de heiangi.