Proverbs 10:16 - De Beebaa Dabu

¹⁶ De hagaoanga o tangada heohi go de mouli, aagai de hagaoanga o tangada baubau go de hagaduasala.

Proverbs 10:16 Referans Kwoze

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.

2 Timothy 3:13

aagai de gau baubau ma dangada e daahangadia dangada e hagadagadaga ange naa donu de baubau; gilaadeu e daahanga naa dangada, gai gilaadeu gu daahangadia donu hogi.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Proverbs 21:21

Tangada e hai hegau laa i de mee heohi ma de abodonu, e gidee naa e ia de mouli, ma de heohi aama de hagadubu.