Proverbs 1:27 - De Beebaa Dabu

²⁷ ma de masavaa o de hai ngadaa e dae mai ai gi goodou, bei dagodo o de madangi mmahi, ma de hai ngadaa e humai ai bei dagodo o ssio, ma tuasala aama tee nnoho paba e tae mai ai gi goodou.

Proverbs 1:27 Referans Kwoze

Romans 2:9

Gai e dae mai naa de hagaduasala ma de hai ngadaa gi dangada alodahi e haia de baubau, ange gi de gau Ssuu i mua aama ange hogi gi denga Gentile,

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Psalm 58:9

I mua de mahana o au anibada i de ahi o denga laa manu — e dee hilihili be e ssui aabe e mmasa — gai ia e ilihia naa gilaadeu ga kave gee.

De Beebaa go Job 27:9

De Maadua e hagallongo dana dangi, i de masavaa oona e duu ange ai gi de hai ngadaa?

Jeremiah 23:19

Tilo, de madangi a Tagi Maolunga gu dau mai, gai gu salulu mai i dono bole, bei dagodo o ssio e hano iho laa gi honga o de gau baubau.