Philippians 4:9 - De Beebaa Dabu

⁹ Gai mee alodahi oodou gu agoago ai, ma de langona aama de gidee i ogu daha — gai goodou hai hegau ai. Gai de Maadua o de nnoho paba gi noho i oodou daha.

Philippians 4:9 Referans Kwoze

James 1:22

Goodou gi dee hagalaangona donu huu denga agoago, ga daahanga ai donu huu goodou. Gai goodou hai hegau ai.

Philippians 3:17

Denga daina, goodou ago mai hogi i de au, ma de dagitilo ga ago ange i gilaadeu e mouli bei de hai amaadeu gu hagaago adu ai gi goodou.

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

John 13:17

Noo goodou gu iloo mee nei, gai goodou e manuuia noo goodou e hai hegau ai.

Philippians 4:7

Gai de baba mai i daho de Maadua, e dee maua laa e dangada gi tonu ange aagena, gi hagaloosi ina oodou lodo ma oodou maanadu i lodo o Klisdo Iesu.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 7:21

“E dee go dangada alodahi e hagahia mai, ‘Tagi Maolunga, Tagi Maolunga’ e ulu i de nohoanga hodooligi o de langi, aagai go gilaadeu donu huu e haia lodo o dogu Damana i de langi laa.

2 Thessalonians 3:4

Gai e dahi donu amaadeu tali hagalodolodo i daho taadeu Dagi Maolunga adu gi goodou, bolo goodou e daudali donu ma de duudagi de hai mee amaadeu gu tala adu gi goodou.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.

1 Thessalonians 5:23

De Maadua o de baba gi haia gi dabu abodonu goodou. Gai oodou hagasaalunga ma oodou lodo aama oodou angaanga alodahi gi gilimalali, i de masavaa o taadeu Dagi Maolunga go Iesu Klisdo e humai ai.

Romans 15:33

De Maadua o de baba gi noho i oodou daha alodahi. Amen.

John 2:5

Gai dono dinana ne hai ange gi de gau hai hegau, “Goodou haia gi bei mee alodahi aana e tala adu gi goodou.”

Luke 8:21

Aagai ia ga hai ange gi dangada, “Dogu dinana aama ogu daina daane go gilaadeu e hagalangona laa muna a de Maadua ga hai hegau ai.”

1 Thessalonians 2:14

Denga daina, goodou gu bei dagodo o denga nohoanga dabu o de Maadua i lodo o Klisdo Iesu i Judea. Goodou ne vaivai haia hogi i daho dangada doodou henua, bei delaadeu hai ne vaivai haia ai i daho de gau Ssuu,

1 Corinthians 10:31

Deenei ai, e dee hilihili be goodou e gaimee be unu, aabe ni aha ange oodou e hai, gai goodou haia mee alodahi e hagamahamaha ai de Maadua.

Deuteronomy 5:1

Gai Moses ne hagahi de gau Israel alodahi ga hai ange: De gau Israel, goodou hagalaangona denga hainga gu hagasauaa ma hagamodu aagu e tala adu gi goodou ailaa nei. Goodou hagamaumau ina ma de kana ange ga daudali ai.

Acts 9:6

Hidi age hannoo gi de aduhale, gai ga tala adu ai gi de goe au mee e hai.”

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

2 Timothy 4:22

Tagi Maolunga gi noho i daho doo hagasaalunga. Dono abodonu gi dagodo i oodou daha.

1 Corinthians 14:33

Gai de Maadua e dee se Maadua e haia gi ssenga ange dangada, aagai ia go de Maadua o de nnoho paba. Gai mee e hai i nohoanga dabu alodahi o dangada o de Maadua,

John 15:14

Goodou ni soa donu niiogu, noo goodou e daudali i agu muna e tala adu gi goodou.

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Isaiah 8:10

Hagabuni haia oodou hagatau, aagai e deai naa donu haigamaiana; daalaa oodou hagatau, aagai e dee maua donu gi ssula, go hiidinga de Maadua madali gimaadeu.

1 Corinthians 4:16

Deenei ai, au e dangidangi adu goodou gi ago mai i de au.