Philippians 4:6 - De Beebaa Dabu

⁶ Goodou gi dee manavasaa i dahi mee daudahi, aagai goodou dalodalo i mee alodahi ma de dangidangi i mee oodou e duasala ai, ma de hagaahe ange de abodonu, ga hai gi iloo e de Maadua oodou mee e duasala ai.

Philippians 4:6 Referans Kwoze

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.

Psalm 55:22

Hagauda ina ange oo daemaha gi honga o Tagi Maolunga, gai ia ga bale adu goe; ia e dee dugu ange naa donu tangada heohi gi baguu.

Matthew 6:8

Goodou aude ago ange i gilaadeu, go hiidinga doodou Damana e lava donu i dana iloo oodou mee e duasala ai, i mua doodou dangidangi ange gi de ia.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Proverbs 16:3

Hagatuulia ange au hegau gi Tagi Maolunga, gai au hagatau e hagadagadaga age naa donu.

Psalm 62:8

Ogu dangada, goodou hagadonusia ia i masavaa alodahi; daalaa ange gi de ia mee i oodou lodo; go hiidinga go de Maadua taadeu buibui. Selah

Colossians 4:2

Goodou hagaduu ngae i talodalo, ma de dagitilo ga hagaahe ange de abodonu.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Colossians 3:17

Gai mee alodahi oodou e hai, i oodou muna be go oodou hegau, gai goodou haia mee nei alodahi i de ingoo o Tagi Maolunga go Iesu, ma de hagaahe ange de abodonu gi de Maadua Tamana i dono ingoo.

Luke 18:1

Iesu ne tala ange hogi dahi mee hagasengasenga gi ana dangada agoago, e hagammahi ange ai gilaadeu gi dalodalo i masavaa alodahi gai gi dee baageaa olaadeu lodo.

Luke 12:22

Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai.

Psalm 51:15

Dogu Ia Aamua, huugea dogu ngudu, gai au ga tuhi ai goe.

Colossians 3:15

Gai de baba o Klisdo gi dagina oodou lodo, go hiidinga goodou ne hagahi gi dau ange gi de angaanga e dahi. Gai goodou gi hagaahe ange de abodonu.

1 Samuel 30:6

Gai David gu kona mmao tee baba ono lodo, go hiidinga denga daane gu llodo e maga ia i denga hadu, go hiidinga gilaadeu alodahi gu llili i hiidinga o alaadeu dama. Gai Tagi Maolunga dono Maadua ga hagammahi ange lodo o David.

Ephesians 5:20

ga hagaahe ange de abodonu gi de Maadua Tamana i masavaa ma mee alodahi, i de ingoo o taadeu Dagi Maolunga go Iesu Klisdo.

Psalm 55:17

De ahiahi, taiao aama de hualaangi gai au e dangidangi i de duasala ogu lodo, gai ia ne hagallongo dogu dangi.

Luke 10:41

Aagai Tagi Maolunga ne basa ange ga hai ange gi de ia, “Martha, Martha! Koe e manavasaa ma tee baba oo lodo i mee lagolago,

Luke 18:7

E aha, de Maadua e dee bale ange ana dangada gu hili, i delaadeu tangi ange gi de ia i de laangi ma de boo? E aha, ia e hai naa gilaadeu gi daalia i dahi masavaa daulooloa?

Matthew 10:19

Gai de masavaa naa huu alaadeu e gaavange ai goodou gi de hainga, gai goodou gi dee manavasaa i doodou hai e pasa ange ai, aabe go oodou muna e pasa ange ai, go hiidinga e gaavadu naa donu gi goodou oodou muna e pasa ange ai i de aoaa laa.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Luke 12:29

Gai goodou gi dee saalaa donu oodou mee e gai ma de unu, aabe gi manavasaa oodou lodo i mee nei.

1 Samuel 1:15

Gai Hannah ga hai ange, “Dogu dangada aamua, au se hine e daemaha ogu lodo; au tigi ai donu agu uvaini aabe ni mee mmahi ne unu, aagai au ne tala ange gi Tagi Maolunga ogu mee e daemaha ai.

2 Corinthians 1:11

Gai goodou balea mai hogi gimaau i talodalo, gi soa ai dangada e hagaahe ange de abodonu, i hiidinga de manuuia gu gaamai nei gi gimaau i de dalodalo o dangada soa.

1 Corinthians 7:32

Au e lodo goodou gi dee manavasaa. Taane e dee hai bodu e maanadu donu huu mee o Tagi Maolunga, ma dana hai e hagamalangilangi ai Tagi Maolunga,

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Daniel 3:16

Gai Shadrak, ma Meshak, aama Abednego ne pasa ange, ga hai ange gi Nebuchadnezzar, “De hodooligi, gimaadeu e dee maua ange donu i de tala adu dahi muna i dagodo o de mee nei.

2 Chronicles 32:20

Gai de hodooligi go Hezekiah ma de pelaabisi go Isaiah, tama daane a Amoz, ga tangi ange gi de Maadua i de langi i dagodo o muna nei.

1 Samuel 7:12

Gai Samuel ne kave dahi hadu ga hagaduu i magavaa o Mizpah ma Shen, ga hagaingoo ange go Ebenezer, go hiidinga ia ne hagadaba, “Tagi Maolunga ne bale mai gimaadeu ga dae mai ai gi iainei.”

Song of Songs 2:14

Dagu manu kono e noho laa i lo te baba, ma de mmuni i magavaa hadu i gaogao de mounga, hagasula mai gi gidee e au luoo mada, haia gi langona e au doo leo, go hiidinga doo leo e maamaane, gai luoo mada e mahamaha.

1 Corinthians 7:21

Koe se dangada hai hegau i doo masavaa ne hagahia ai? Koe aude manavasaa; aagai noo koe gu maua i de hai gi se dangada e ilaage goe, gai koe haia de mee nei.

1 Kings 8:28

Gai koe, Tagi Maolunga dogu Maadua, hagalaangona talodalo a doo dangada hai hegau ma dana dangidangi. Gai hagalaangona tangi see ma talodalo a doo dangada hai hegau e dangidangi ai i mada luoo mada ailaa nei.

Jeremiah 32:16

“Gai ga lava huu i dagu gaavange beebaa o de alahenua laa gi Baruch, tama daane a Neriah, gai au ga dalodalo ange gi Tagi Maolunga, ga hai ange:

Daniel 6:10

Gai ga iloo huu e Daniel bolo gu hagasauaa de hainga laa, gai ia ga hano gi teege i lunga o dono hale, gi de mommee iai denga abaaba vaaligi e maahuge laa ma e huuhuli ange gi Jerusalem. Gai ia ne duuduli i kilaa ga dalodalo i e dolu hanonga i de laangi, gai ia ga hagaahe ange de abodonu i mada luu mada o de Maadua, bei dana dahulinga e hai i de laa tubua.

Matthew 6:34

Deenei ai, goodou gi dee manavasaa ange gi daiao, go hiidinga daiao e hanu naa hogi mee hagamanavasaa iai. Denga laangi alodahi e hanu hugadoo hai ngadaa iai.

1 Timothy 2:1

I mua mee alodahi gai au e hagammahi adu goodou gi dangidangi, ma de dalodalo, ma de hagabuni ga dalodalo ga hagaahe ange de abodonu i hiidinga o dangada alodahi —

1 Timothy 5:5

De hine gu magau dono bodu gai e duasala abodonu, aagai e deai dangada e balea ange ia, dana tali hagalodolodo go de Maadua, gai ia e duudagi tangidangi ange gi de Maadua i de laangi ma de boo.